Сайгарлыкчы инициативалар деткиир национал төлевилел күүселдези-биле Тывага чаа этноковоркинг төптери ажыттынар

31.08.2021 “Биче болгаш ортумак сайгарлыкчы чорукту база хуу сайгарлыкчы инициативаларны деткиири” национал төлевилелди боттандырып, республиканың ус дарганнарын база улусчу шеверлерни деткиири-биле, Тываның Сайгарлыкчы чорукту деткиир фонд дааранылга, сей-белектер, чазанылга база ювелир бүдүрүлгезинде ажылдап чоруур сайгарлыкчылар ортузунга этноковоркинг ажыдарынга мөөрейни эрттирген. Мөөрейниң шаңнал фондузунче 3 млн рубльди үндүрген.
Фондунуң удуртукчузу Азияна Пирлейниң чугаазы-биле алырга, «Этноковоркинг» төлевилел – регионнуң чаңгыс аай продукциязын чогаадырынга аңгы-аңгы мастерлер ажылдаар Кластерлиг хөгжүлде төвүнүң кол төлевилели болур.
«Этноковоркинг» мөөрейи улусчу чогаадылга мастерлериниң кичээнгейин хаара тудуп, солун төлевилелдерни деткээн. Идепкейжи хамаатыларны сайгарлыкчы ишче, ажыл-биле хандыртынарынче хаара тудуп, чонга шынарлыг регион продукциязын сүмелээри – мөөрейниң кол сорулгазы. Республиканың ус-шевер мастерлери, суй-белектер барааннарынга бүрүн эргелиг азы ындыг бодалдыг авторлар база бүдүрүкчүлер, албан черлери деткимчеже кордап болур” – деп, фондунуң удуртукчузу тайылбырлаан.
Эксперттиг жюри кежигүннериниң шилээни-биле, ”Тулган дээн дааранылга этноковоркингизи” угланыышкынга Кызыл кожууннуң Кур-Чер суурдан хуу сайгарлыкчы Куулар А.-К. М-ның төлевилели тиилээн. Тиилекчиге кол шаңнал кылдыр дериг-херексел садып алырынга 40 муң рубльди берген.
“Суй-белек-ювелирлиг этноковоркингизиниң тулган төлевилели” угланыышкынга Кызыл хоорайдан хуу сайгарлыкчы Чагар-оол А. А. тиилээш, 570 муң рубль хемчээлдиг деткимчени алган.
«Тулган дээн чазанылга этноковоркинг төлевилели» деп шаңналга элээн каш киржикчилер төлептиг болган — Бай-Тайга кожууннуң Кызыл-Даг сумузудан “Бел аржааны” КХН, Кызыл хоорайдан хуу сайгарлыкчы Ооржак Э.А. база «Хуулгаазын ыяш» КХН алгаш, тус-тузунда 730 муң, 900 муң база 545 муң акша шаңналдарын алган.
Мөөрейниң тиилекчилери бүдүрүлге ажылынга чугула дериг-херекселдерни чагыткан, оларның кезек чамдыызы август эгезинде-ле Кызылда чедип келген. Сайгарлыкчылар ам дериг-херекселдериниң арткан кезээн манап турар.
“Биче болгаш ортумак сайгарлыкчы чорук база хуу сайгарлыкчы инициативалары деткиир” национал төлевилел Россияда сайгарлыкчы чорукту бүгү талалыг экижидеринче угланганын сагындыраал.