19.08.2021
Тываның Тес-Хем кожуунундан Ланааларның өг-бүлези “Чылдың өг-бүлези” бүгү-российжи мөөрейниң “Өг-бүле – ужур-чаңчылдарның кадагалакчызы” номинацияга тиилээн
Тываның Күш-ажыл болгаш социал политика яамызы Тес-Хем кожуундан Ланаа Кур-Дагба Хорлай-оолович биле Салбакай Тихоновнаның өг-бүлезин регион тиилекчилери кылдыр бүгү-российжи мөөрейже идип үндүрген.
19.08.2021
Тывада хөй ажы-төлдүг 3222 өг-бүлени «социал» хөмүр-биле хандырар
Одалга сезону эгелевээнде, «Социал хөмүр» социал төлевилел-биле хөй ажы-төлдүг 3222 өг-бүлени хөмүр база 175 өг-бүлени ыяш-биле хандырар деп, регионнуң Одалга болгаш энергетика яамызы дыңнаткан.
19.08.2021
Тываның оруктарынга бо чылдың эгезинден бээр 1753 эзирик чолаачыны туткан
Тыва Республикада Иштики херек яамызының күрүне автоинспекциязының дыңнадыы-биле алырга, бо чылдың чеди айында ОШАЧКИ ажылдакчылары 1753 эзирик чолаачыны туткан, эзириктиң хайы-биле 72 орук озал-ондаа болган.
19.08.2021
Тываның Экономика яамызы сайгарлыкчыларның лизинг-биле дериг-херекселдер болгаш техника саткан чарыгдалдарынга субсидияны бээр
Тываның Экономика яамызы туризм адырында ажыглап турары дериг-херекселдерин, мототранспорт аймаан база көдээ ажыл-агый техниказын садып алырынга лизинг керээлерин чарып тура, бирги төлевириниң (авансызының) чартыынга субсидияны алыры-биле, күрүнениң саң-хөө деткимчезин бээр биче болгаш ортумак сайгарлыкчы чорук субъектилериниң конкурс шилелгезинге киржир дугайында билдириишкинни 2021 чылдың август 16-дан сентябрь 16-га чедир хүлээп алырын чарлап тур.
19.08.2021
Тывада «Москва – Кызыл – Москва» авиамаршрутка сибсидияны катап берип эгелээн
Тываның Баштыңы албан-хүлээлгени күүседип турар Владислав Ховалыгның Россия Федерациязының транспорт сайыды Виталий Савельев-биле “регион шагы” хевирге ажыл-агыйжы ужуражылгазының түңнелинде, «Москва – Кызыл – Москва» угланыышкынныг авиааргыжылгаларга субсидия бээри катап чедип алдынган.
19.08.2021
«Культура» национал төлевилел-биле чыл төнчүзүнге чедир Тывага ам база ийи модельдиг библиотека ажыттынар
Регионнуң Культура яамызының дыңнатканы болза, чыл төнчүзүнге чедир Тывага ам база ийи модельдиг библитека ажыттынар. «Культура» национал төлевилелди боттандырып, Ак-Довурактың Антон Үержаа аттыг Төп хоорай библиотеказының база Сүт-Хөл кожууннуң төп уруглар библиотеказының баазазынга оларны дериир.
19.08.2021
Тывада «Экология» национал төлевилел күүселдезиниң түңнелин үндүрген
2021 чылда Тыва Республика «Экология» национал төлевилелдиң «Арыг-арыг камгалалы», «Арыг-силиг чурт» база «Кадыг боктарны болбаазырадырының комплекстиг системазы» федералдыг үш төлевилелинде киржип, оон ниитизи-биле 271364,9 муң рубль акшаландырыышкынны алыр.
18.08.2021
«БиблиоБуян» биле «Тайга черим чараш малы» кожууннуң сарлык байырлалы» төлевилелдер Тыва Республиканың Баштыңының грантыларын алыр
Тыва Республиканың Баштыңының хамааты ниитилелди хөгжүдеринге субсидия грантызын бээр мөөрейге Тываның библиотекалар ассоциациязының «БиблиоБуян» биле «Тайга черим чараш малы» кожууннуң сарлык байырлалы» төлевилелдери тиилээн.
18.08.2021
Тыва күскү-кышкы үеге 69 хуу белеткенген
Тываның Чазааның ээлчеглиг хуралынга келир кышка белеткел айтырыын сайгарган. Одалга болгаш энергетика сайыдының оралакчызы Денис Хангай чаа одалга сезону план-биле сентябрь 15-те эгелээрин дыңнаткан.
18.08.2021
Владислав Ховалыг: «Дорт чугаа» хевир эрге-чагырганың ажылынга доктаамал ажыглаар уг-шиг апаар
Август 15-те «Россия-24» база ОТР телеканалдарга Тываның Баштыңының албан-хүлээлгезин күүседип турар Владислав Ховалыг-биле «Дорт чугаа» дамчыдылгазы болуп эрткен.
17.08.2021
Тывага республиканың муниципалдыг тургузуглар чөвүлелиниң хуралы болуп эрткен
Август 16-да, Тыва Республиканың Чазааның бажыңынга, Тываның Баштыңы албан-хүлээлгени түр када күүседип турар Владислав Ховалыгның даргалаашкыны-биле, 2020 чылда Тываның муниципалитеттериниң ажыл-чорудулгазын түңнээн “Тыва Республиканың муниципалдыг тургузулар чөвүлели” ассоциацияның хуралы болуп эрткен.
15.08.2021
Владислав Ховалыг Тываның чурттакчыларынга Республика хүнү-биле байырны чедирген
Тыва Республиканың Баштыңының албан-хүлээлгезин түр када күүседип турар Владислав Ховалыг регион чурттакчыларынга Республика хүнү-биле байырын чедирген:
15.08.2021
Кызылга Россия биле Тыаның туктарын көдүрериниң байырлыг езулалын эрттирген
Бөгүн, Республика хүнүнүң байырлалында, Россия Федерациязы биле Тыва Республиканың күрүне туктарын көдүрериниң байырлыг езулалы Чазак бажыңының чанынга болуп эрткен.
14.08.2021
Владислав Ховалыг ТАР-ның тургустунганындан бээр 100 чылдан оюнга тураскааткан юбилейлиг медальдарны Тываның чурттакчыларынга тывыскан
Тываның Чазааның бажыңынга, Тыва Республиканың Баштыңы албан-хүлээлгени түр када күүседип турар Владислав Ховалыг Россия Федерациязы биле Тыва Республиканың күрүне шаңналдарын база Тыва Арат Республиканың тургустунганындан бээр 100 чыл оюнга алдар болдурган юбилейлиг медальдарны күш-ажылынга шылгараан 48 кижиге байырлыы-биле тывыскан.
13.08.2021
Тываның өөредилге адырында 230 хостуг олуттар бар
Республика девискээринде өөредилге адырындан ажыл дилеп турар хамаатыларга болгаш аныяк специалистерге эптиг болуру-биле, регионнуң Өөредилге болгаш эртем яамызының https://monrt.rtyva.ru/index.php/ru/ сайтызында август 11-ниң хүнүнде кандыг хостуг олуттар барының дугайында дыңнадыгны салган.
13.08.2021
Владимир Путин Тыва Республиканың Баштыңының албан-хүлээлгезин күүседип турар Владислав Ховалыг-биле ужурашкан
Владимир Путин Тыва Республиканың Баштыңының албан-хүлээлгезин күүседип турар Владислав Ховалыг-биле видеоконференция чурумунга ажыл-агыйжы ужуражылганы кылган.
12.08.2021
Тыва Арат Республиканың үндезилеттинип тургустунганындан бээр 100 чылдаан оюнга тураскааткан кол хемчеглер ПЛАНЫ
Республикада эпидемиологтуг таарымчалыг эвес байдалды өөренип көргеш, Росхереглелхайгааралдың Тыва Республикада эргелелиниң сүмелээни-биле, Тыва Арат Республиканың үндезилеттинип тургустунганындан бээр 100 чыл болган оюнга тураскааткан хемчеглерни онлайн хевирге эрттирерин шиитпирлээн.
12.08.2021
Тывада чоннуң малчыннар Наадымы-2021 байырлалды соңгаарлаткан
ТР-ниң Баштыңының 2021 чылдың июль 6-да «Тыва Республикада чаа коронавирус халдавырының (СOVID-19) нептерээни-биле холбаштыр, Тыва Республикада чурттакчы чоннуң санитар-эпидемиологтуг чаагай чоруун хандырар хемчеглер дугайында» №223 чарлыынга даянгаш, республикада эпидемиологтуг таарымча чок байдалды өөренип көргеш, “Наадым-2021” чоннуң малчыннар байырлалын байырлаар дугайында” 2021 чылдың август 2-де № 398 доктаалын күш чок болдуруп, август 13-те малчыннарның “Наадым-2021” байырлалынга тураскааткан хемчеглерни онза айтыышкын үнгүжеге, элээн соңгаарладыр деп шиитпирлээн.
12.08.2021
Тывада тожу тываларының төпчүткен каттыжыышкыны тургустунган
Тере-Хөл, Мөңгүн-Тайга база Тожу кожууннарында тожу тываларының общиналар удуртукчулары 2021 чылдың май 21-де тургузукчу хуралды эрттиргеш, Тываның девискээринде Сибирьниң биче буурай үндезин чоннары – тожу тываларын мөөңнээн каттыжыышкынны тургузар дугайында шиитпирни хүлээп алган.
12.08.2021
Тывада чон чизезинге белеткел ажылдарында четпестерни чайлады
Тываның Баштыңының албан-хүлээлгезин күүседип турар Владислав Ховалыгның удуртуп эрттиргени, чон чизезинге белеткел ажылдарының кайы хире чоруп турарын чугаалашкан хуралда, Тыва Республиканың Чазааның даргазының оралакчызы - экономика сайыдының хүлээлгезин күүседип турар Айдыс Сат чизезинге белеткел ажылдарының беш көргүзүүнүң ийизин республика кылган деп илеткээн.