Медээлер

14.03.2022 Росхереглел хайгааралының Тывада эргелели чамдык сайгарлыкчы чорук объектилериниң ажылын катап эгелээрин саналдаан
Чаа коронавирус халдавырындан аарыыр чоруктуң эвээжээнин барымдааалааш, ону саналдаан. Тываның кол  санитар эмчизи Людмила Салчак республиканың удуртулгазынче ооң мурнунда киирген кызыгаарлаттынган хемчеглерни чымчадыр, азы ап кааптар чаа санал-оналдарны киирген. Хамаатыларның канчаар алдынарынга, сайгарлыкчы чорук, культура, спорт база ачы-дуза адырының объектилериниң ажылынга, амыдырал-хандырылганың шупту адырында ажылды организастаарынга ол хамааржыр.  

14.03.2022 Тываның чагырга черлери суггарылга системазының документилерин аайлап эгелээр даалганы алган
Республикада ниитизи-биле 135,5 муң гектар тарылга шөлүнүң чүгле 33,2 муң гектары, азы 24,8 хуузу суггарылгалыг. Регион чер ажылынга таарымча чок зонага хамааржыр болганындан, суггаттыг черлерге культураларны тарыыры - эки дүжүттү алырының кол магадылалы ында.

11.03.2022 Тываның Баштыңы Росхереглел хайгааралының регион эргелелиниң хуралынга киришкен
Хереглекчилерниң эргелерин болгаш кижиниң чаагай чоруун камгалаар адырда хайгаарал талазы-биле федералдыг албанның регион эргелелиниң 2021 чылда Тывага кылып чоруткан ажыл-чорудулгазының түңнелдерин үндүрген хуралга республика Баштыңы Владислав Ховалыг киришкен.

11.03.2022 Тывада мартты туберкулёз-биле демиселдиң айы кылдыр чарлаан
Тывада туберкулез талазы-биле эпидемиологтуг байдал чогумчалыг эвес. 2021 чылда девискээрде аарыыр чорук ортумак российжи көргүүзүгден 3,7 катап, Сибирь федералдыг округда – 2 катап хөй. 2020 чылга деңнээрге аарыыр чоруктуң өзүлдези 42,4 хуу болган.

11.03.2022 Тывада хөй ажы-төлдүг өг-бүлелер «социал хөмүр» дээш билдириишкиннерни март 31-ге чедир киирип болур
«Социал хөмүр» төлевилел-биле кадыг одаар чүүл деткимкезин бээринче билдириишкиннер хүлээп алырын 2022 чылдың март 31-ге чедир узаткан. Февраль төнчүзүнге чедир документилерни хүлээп алырын дыңнаткан турзажок, февральдың 25-ке чедир чүгле 2088 билдириишкин кирген.

11.03.2022 Тываның Баштыңы республиканың хөй-ниити организацияларының база политиктиг партияларның төлээлери-биле ужурашкан
Тываның Баштыңы Владислав Ховалыг Украинаны демилитаризастаар база и денацификастаар хүлээлгени күүседип турар российжи армияны база Президентини деткиири-биле, республиканың политиктери база чурттакчылары каттыжып, аңгылажыышкыннарны уттуптарын кыйгырган.

10.03.2022 Тываның Баштыңы Донбасска тускай операция үезинде мөчээн оолдуң өг-бүлезинге кажыыдалын илереткен
Тываның Баштыңы Владислав Ховалыг Украинага тускай операция үезинде мөчээн шериг албанныг оолдуң өг-бүлезинге кажыыдалын илереткен.

10.03.2022 Тывага көдээ ажыл-агый кооперативтериниң республика шуулганы бир дугаар болуп эртер
Март 18-те болуп эртер көдээ ажыл-агый кооперативтериниң бирги республика шуулганында, суурларда биче ажыл-агыйларның турум хөгжүлдезин магадылаар көдээ ажыл-агый кооперациязынга хамаарышкан айтырыгларны сайгарарын Тываның Көдээ ажыл-агый яамызы дыңнаткан.

10.03.2022 Кызыл база ол чоок-кавының чурттакчыларынга хөй-ниити транспортунга чоруурунуң эптиг схемазын шилип алырын саналдаан
Тываның Орук-транспорт комплекизиниң яамызы Кызыл хоорай мэриязы-биле кады маршрут четкизин сайзыраңгайжыткан схеманы бадылаар кылдыр салган.

09.03.2022 Тываның Көдээ ажыл-агый яамызы «Агростартап» грантыны ажыглаарынче араттарны кыйгырган
Тываның Көдээ ажыл-агый яамызы «Биче болгаш ортумак сайгарлыкчы чорук» национал төлевилел чорудуу-биле «Агростартап» грантыны бээринге документилер хүлээрин уламчылавышаан.

09.03.2022 Тываның дош кежиглеринде дош чугалаан
Россияның ОБЯ Тыва Республикада кол эргелелиниң БСКИ төвүнүң күрүне инспекторлары регионнуң девискээринде беш дош кежиглерни хынаан соонда, ында чүъктүг эртери айыылдыг апар чыдарын тодараткан.

08.03.2022 Тыва Республиканың Баштыңының Марттың 8-биле байыр чедириишкини
Эргим херээженнер! Бүгү делегейниң херээженнер хүнү – Марттың 8-зи-биле байыр чедирип тур мен! Сагыш-сеткилдиң онза хайныышкынныг чырык ба¬йырлалын уткуп ап тур бис. Час-биле кады, амыдыралдың өөрүшкү-маңнайын, бүгү делегейниң өңгүр-каазын база чылыг-чымчаан илередип келир силер!

05.03.2022 Тываның Баштыңы Украинага ийи тыва оолдуң мөчээнин дыңнаткан
Украинада чоруп турар тускай шериг операциязының үезинде Тываның эрес-дидим оолдары – Росгвардияның Тыва Республикада эргелелиниң дайынчылары, полицияның прапорщиктери Ахмет Бурушпел-оолович Маады биле Содунам Сергеевич Шалыктың мөчээниниң дугайында дыңнаткан.

05.03.2022 Владислав Ховалыг Март 8-тиң бүдүүзүнде херээжен чонга шаңналдарны тывыскан
Бүгү-делегейниң херээженнер хүнүнүң бүдүүзүнде, марттың 5-те, республиканың баштыңы Владислав Ховалыг экономика болгаш социал адырда шылгараңгай херээженнерге ак сеткилдиг күш-ажылы болгаш регионнуң хөгжүлдезинге идепкейлиг киржилгези дээш шаңналдарны тывыскан.

04.03.2022 Владислав Ховалыг Тывага аъш-чемге айыыл чок чорукту хандырарын дааскан
Тываның Чазаанга регион экономиказының турум чоруун хандырар талазы-биле оперативтиг штабтың бирги хуралында, үзүктел чок ажылдаар организацияларның база амыдырал-хандырылга бүдүрүлгелериниң дугайында чугаалашкан.

04.03.2022 Тывада COVID-19-тан киирген кызыгаарлаашкыннарны сулараткан
Республиканың кол санитар эмчизи Людмила Салчак эпидемиологтуг байдал экижээнинден, сайгарлыкчы чорук, өөредилге болгаш культура объектилериниң ажыл-чорудулгазында шеглел-кызыгаарлаашкыннарның чамдыызын соксадып болурун дыңнаткан.

04.03.2022 Тывада өртектер контрольдаар «изиг шугум» хондур-хүнзедир ажылдап эгелээн
Тываның Баштыңы Владислав Ховалыгның даалгазын ёзугаар ведомстволар аразында комиссияның специалистери республиканың садыг четкилеринде барааннарның бар-чогун, аңаа өртектерни хүннүң-не хайгаарап турарлар. Өртектер өстүрген таварылгаларның дугайында дыңнадып болур хондур-дүндүр ажылдаар “изиг шугум” база ажылдай берген.

03.03.2022 Россияның Чырыдыышкын яамызы Кызылга 1500 олуттуг школа тударын деткээн
РФ-тиң Чырыдыышкын яамызының төлевилелдер шилиир комиссиязы март 1-де ажылдаан. Субсидия бээр шилилдеже киирген 400 чагыгдан 167 төлевилел эрткен, оларның санында Тываның Өөредилге яамызының Кызыл хоорайда Полигонная кудумчузунга 1500 олуттуг ниити өөредилге школазы тудар төлевилел кирген.

03.03.2022 Тыва 2021 чылда «Культура» национал төлевилелдиң шупту планнарын күүсеткен
2021 чылда, Тывада 100 хуу күүсеттинген беш төлевилелдиң бирээзинге «Культура» национал төлевилел хамааржыр. Республика чазааның хуралында бүрүнү-биле күүсеттинген национал төлевилелдерниң үре-түңнелдерин чугаалашкан.

02.03.2022 Кызылдың каайлы постузунуң ажылдаар шактары өскерилген
Красноярскиниң таможнязында кирип турар Абаканның, Ачинскиниң, Зеленогорскииниң, Канскиниң, Красноярскиниң, Кызылдың, Лесосибирскиниң, Саяногорскиниң база Таймырның каайлы постулары ам 8.30-тен 17.30-ге чедир (понедельник – четверг) ажылдаар,а пятницада 8.30-тен 16.30 шакка чедер.