Тываның Баштыңы Украинага ийи тыва оолдуң мөчээнин дыңнаткан

05.03.2022 Украинада чоруп турар тускай шериг операциязының үезинде Тываның эрес-дидим оолдары – Росгвардияның Тыва Республикада эргелелиниң дайынчылары, полицияның прапорщиктери Ахмет Бурушпел-оолович Маады биле Содунам Сергеевич Шалыктың мөчээниниң дугайында дыңнаткан. «Сагыш-сеткилде дыка-ла аар болгаш берге-дир. Көңгүс аныяк оолдар, адалар, ажы-төлүн өстүржүп, ам-даа чурттаар турган. Содунам Сергеевич биле Ахмет Бурушпел-оолович Төрээн чурттун, Ада-черин, чонун камгалаар деп мергежилди шилип алганнар. Кайызы-даа үлегерлиг дайынчылар. «Ажыл албанынга шылгыракты берип, ону күүсеткен. Езулуг Эр деп адынга шынчы болуп, боттарын хайырлаан» - деп, Владислав Ховалыг бодунуң арынында бижээн. Россияның Президентизи Владимир Путин февраль 24-те Украинаны демилитаризастаар база денацификастаар талазы-биле тускай операция эгелээрин дыңнаткан. Донецк биле Луганск улус республикаларның удуртулгазындан шериг дузаны көргүзер дилегге харыы кылдыр ындыг шиитпир хүлээп алдынганын күрүне баштыңы тайылбырлаан.