Медээлер

11.07.2024 Тываның чуртталга-коммунал ажыл-агыйының чаа сайыдын томуйлаан

Тываның Баштыңы Владислав Ховалыг мооң мурнунда хөй аалдыг бажыңнарның капитал септелгиниң коммерцияга хамаарышпас регионалдыг фондузун директорлап турган Мерген Дагбаны чуртталга-коммунал ажыл-агыйның чаа сайыдынга томуйлаан чарлыкка атты салган.

11.07.2024 Тывада арга-арыг өрттериниң талазы-биле “онза байдал” чурумун соксаткан

РФ-тиң Президентизиниң Сибирь федералдыг округта бүрүн эргелиг төлээзи Анатолий Серышевтиң чанында оперативтиг штабтың хуралынга 2024 чылда Сибирьниң регионнарында өрт сезонунуң эртип турарын чугаалашкан.

11.07.2024 Тываның Баштыңы республикада школалар тудуун болгаш септелгезин хынаан

Владислав Ховалыг Тываның барыын кожууннарынга ажылчын сургакчылаашкын  үезинде школалар тудуу болгаш септелгези кайы хире чоруп турарын хынап,  элээн каш социал объектилерге четкен. 

10.07.2024 Тываның Баштыңы тергиин өөредилгелиг доозукчулар-биле ужурашкан

Бөгүн Тываның Баштыңы Владислав Ховалыг республика школаларының медальдарлыг доозукчулары-биле ужурашкан.

10.07.2024 Тываның Баштыңы «Үстүү-Хүрээ» фестивалының бирги хүнүнде аалдап четкен

Тываның Баштыңы Владислав Ховалыг фестивальдың бирги хүнүнде чедип, үрде манааны хөгжүм байырлалының катап эгелээни-биле киржикчилерге болгаш аалчыларга байырын чедирген. 

10.07.2024 Шагаан-Арыг хоорайның котельнаязында чылыг сезонунга белеткел ажылдары чоруп турар

Дүүн Тываның Баштыңы Владислав Ховалыг республиканың барыын талазында Улуг-Хем, Чөөн-Хемчик, Барыын-Хемчик база Бай-Тайга кожууннарда социал болгаш амыдырал-хандырылга объектилерниң тудуу болгаш капитал септелгези кайы хире чоруп турарын хынаан.

09.07.2024 Тываның үндүрүг төлекчилери эрткен чылдарның өнчү-хөреңги үндүрүглеринге өрелерин июльда төлеп ап болур

ТР-ниң Чазаа июльда хуу кижилерден өнчү-хөреңги үндүрүглериниң өрезин чыыр айны чарлап, агар санныг карталарын хаар, аай-дедир чоруурунга кызыгаарлаашкыннар дээш хоругдалдарны болдурбазы-биле үндүрүг албанында өрелерин төлээр арганы берген.

09.07.2024 Кызылда ча адарынга Россия чемпионады эгелээн

Советтиг Тываның 5 чылы аттыг стадионга ча адарынга Россия чемпионадының байырлыг ажыдыышкыны болуп эрткен. Россияның 20 ажыг регионундан 300 хире спортчу ча адарынга Россия чемпионадының тиилекчизи ат дээш үш хонуктуң дургузунда мөөрейлежир.

09.07.2024 Тывада үлегерлиг өг-бүлелерге «Ынакшыл болгаш шынчы чорук дээш» медальдарны тывыскан

Тываның Чазаа Өг-бүле, ынакшыл болгаш шынчы чорук хүнүнде, «Ынакшыл болгаш бердинген чорук дээш» медальдарны тыпсыр байырлыг езулалды эрттирген.

08.07.2024 Республика Чазааның аппарат хуралында неделяның оперативтиг байдалын чугаалашкан
Тыва Республиканың Баштыңының удуртуп эрттиргени Чазактың аппарат хуралынга республика девискээринде арга-арыг өрттериниң талазы-биле оперативтиг байдалды сайгарган.

08.07.2024 Тываның Чазааның оралакчы даргаларының киржилгези-биле Тес-Хем кожуунда кижизидилге ажылдарын организастаанын сайгарып чугаалашкан

Тываның Чазааның даргазының оралакчы Орлан Сарыгларның удуртулгазы-биле вице-премьерниң хүлээлгезин күүседип турар Айдыс Сынаа, Тываның өөредилге сайыды Елена Хардикова, Тывада уругнуң эргелерин камгалаар бүрүн эргелиг төлээ Саида Сенгии база Тес-Хем кожууннуң чагыргазы база башкылар ниитилежилгези-биле Самагалтай суурга үнүүшкүннүг хуралды эрттирген. 

07.07.2024 Тыва Республика «Россия» делегей делгелге-форумунга чедиишкиниг киришкени дээш өөрүп четтирииишкинни алган

Дүүн Москвага Россия Федерациязының субъектилериниң төлээлериниң киржилгези-биле «Россия» деп делегей чергелиг делгелге болгаш форумнуң киржикчилерин шаңнаар байырлыг езулал болуп эрткен. 

05.07.2024 Айдыс Сынааны Тыва Республиканың Чазак Даргазының оралакчызы албан-дужаалды күүседир кылдыр томуйлаан

Бөгүн Тываның Баштыңы Владислав Ховалыг Айдыс Сынааны Тыва Республиканың Чазак даргазының оралакчызы албан-дужаалды күүседир кылдыр томуйлаар дугайында чарлыкка атты салган. 

05.07.2024 Хакасияның арга-арыг өрт албанының ажылдакчылары Тывада арга-арыг өрттерин өжүржүр дээш чедип келген

Республиканың Баштыңы Владислав Ховалыг кожавыс регионнуң удуртукчузу Валентин Коноваловка дилегни киирген соонда, Хакас Республиканың парашют-десант өрт албанының он ажылдакчызы дүүн Тывада чедип келген.

05.07.2024 "Профессионалитет" төлевилелдиң баштайгы доозукчулары Тываның көдээ ажыл-агый специалистериниң одуруунда каттышкан

Тываның Таңды кожууннуң Балгазын суурда Тываның агроүлетпүр технимунунга "Профессионалитет" федералдыг төлевилел программазы-биле өөредилгезин дооскан сургуулдар дипломнарын алган. 

04.07.2024 Моолдуң Президентизи Тываны таварты российжи-моол-кыдат транспорт оруунга сонуургалдыын бадыткаан

Тываны таварты чурттар аразының делегей чергелиг логистика төлевилелдериниң айтырыы бедик деңнелдиг чугаалажыышкыннарга база катап көдүрген.

04.07.2024 Июль 6-дан 11-ге чедир Тывага Россияның ча адарынга чемпионады болуп эртер
Июьнуң 6-11 хүннеринде, Советтиг Тываның 5 чылы аттыг  стадионга,  ча адарынга бүгү-российжи маргылдаа болуп эртер. 

04.07.2024 Кызыл хоорайга Өг-бүле, ынакшыл болгаш шынчы чорук хүнүнге тураскааткан кол хемчеглерниң планы
Июль 4-те
«Орус прозаның көрүнчүүнде ынакшыл болгаш өг-бүле» деп номнар делгелгези - А.С. Пушкин аттыг Национал библиотекага.

04.07.2024 «Россия» делегейниң делгелге-шуулганынга Сибирьниң хөгжүлде стратегиязын 2035 чылга чедир боттандырарын сайгарып чугаалашкан

Сибирь федералдыг округда Россия Федерациязының Президентизиниң бүрүн эргелиг төлээзиниң чанында Чөвүлел база «Сибирь дугуржулгазы» РФ-тиң субъектилериниң экономиктиг кады ажылдажылгазының регионнар аразының ассоциациязының Чөвүлели «Россия» делегейниң делгелге-шуулганының шөлүнге каттышкан хуралды эрттирген.

03.07.2024 Владислав Ховалыг Сибирь регионнарының күчү-шыдалын ажыдарынга Тываның транспорт инфраструктуразы салдарлыг болурун демдеглээн

Тываның Баштыңы Владислав Ховалыг ВДНХ-га «Россия» делегейниң делгелге шуулганынга эрткен Сибирь Федералдыг округ регионнарының Туризм хүнүнге киришкен.