Медээлер

29.12.2021 «ЛАДЬЯ. Кышкы тоол-2021» бүгү-российжи ярмаркага тыва шеверлер бир дугаар киришкен
Россияның улусчу уран ус-тывыштың «ЛАДЬЯ. Кышкы тоол-2021» бүгү-российжи делгелге-ярмарказынга Тывадан сайгарлыкчылар болгаш бодун ажыл-биле хандыртынган хамаатылар бир дугаар киришкеш, «Регион экспозициязының тулган шимелдези» номинацияга диплом-биле шаңнаткан. 

29.12.2021 Россельхозбанк биле Тыва Республика кады ажылдаар дугуржулганы чарган
Россияның көдээ ажыл-агый банкызының баштаар чериниң даргазы Борис Листов биле Тыва Республиканың Баштыңы-Чазааның даргазы Владислав Ховалыг кады ажылдажылга дугайында керээге атты салганнар. 2013-2020 чылдарда күштүг турган дугуржулганы бо документ солаан.

29.12.2021 Тываның шылгараңгай ажылдакчыларынга күрүне шаңналдарын тывыскан
Тываның Баштыңы Владислав Ховалыг В. Көк-оол аттыг национал хөгжүм-шии театрынга күрүне шаңналдарын тывыскан. Эртип турар чылда чедип алган үре-түңнелдер, бөгүн шаңналдар алган специалистерниң, сайгарлыкчыларның, көдээ ишчилерниң, социал адыр ажылдакчыларының ачызында чедип алдынган.

28.12.2021 Чаа чылдың дыштаныр хонуктарында хондур-хүнзедир демнежип ажылдаар
Регион болгаш тус чер эрге-чагыргазы Тываның хоорай, суурларынга Рождество болгаш Чаа чыл дыштаныр хонуктарында хондур-хүнзедир дежурныйлаар.
Тыва Республиканың Баштыңы Владислав Ховалыг шак ындыг айтыышкынны берген.

28.12.2021 Тываның чурттакчылары “Күзелдер шивизи”-биле бодалдарын боттандырган
«Мээң-биле кады сагыштаалы” ачы-буян төлевилелиниң чылдың-на эртип турар “Күзелдер шивизи” бүгү-российжи акцияга республика баштыңы бөгүн, декабрь 28-те, Тываның найысылалынга киришкен.

27.12.2021 Мергежилиниң тергииннерин күрүне шаңналдары-биле шаңнаан
Эрткен чылды үдеп, Чаа чылды уткуп тура, кандыг чедиишкиннерлиг болганывысты түңнеп, мрунувуста кандыг сорулгалар барын хөй-биле кады үлежири - чаагай чаңчылдарның бирээзи. Бөгүн, декабрь 27-де, В. Көк-оол аттыг Тываның национал театрынга республиканың шылгараңгай кижилеринге күрүне шаңналдарын тыпсыр езулал болуп эрткен.

27.12.2021 Россия Чазааның курлавыр фондузу коронавирус-биле демиселде Тываның эмнелгелерин деткииринче 46,5 млн рубльди тускайлаан
Бо акша-хөреңгини Covid-19 аарыгларын эмнээринге ажыглаар дериг-херекселдерни септеп, солуурунга база эмчилерниң камгалал чүүлдерин садарынга ажыглаар. 

26.12.2021 Тываның Баштыңы Владислав Ховалыгның чон-биле “дорт харылзаазы”

2021 чылдың декабрь 25-те Тываның Баштыңы “Тува-24” телеканалга дорт дамчыдылга үезинде чоннуң айтырыгларынга “дорт харыыларны” берген.

24.12.2021 Тывада Covid-19-ка удур тарыышкын пунктулары январь 3-те ажылын эгелээр
Сөөлгү хонуктарда Тывада чаа коронавирус халдавырындан аараан кижилерниң саны хүнде 20-ден эвээжеп, эрткен хүнде 15 кижи аарааны демдеглеттинген. Ындыг болзажок, вакцина алыры оожумнаанын кадык камгалал сайыды Анатолий Югай регионнуң оперативтиг штаб хуралында дыңнаткан. Ол байдалды эдери-биле, 2022 чылдың январь 3-тен эгелеп, чаа чылдың байырлал хонуктарында тарыышкынны эгелээр деп шиитпирни кадык камгалал яамызы хүлээп алганын дыңнаткан.

24.12.2021 Тывага Чаа чылдың дыштаныр хонуктарында уругларга болгаш ада-иелерге халас мастер-класстарны эрттирер
«Өөредилге» национал төлевилел боттанылгазы-биле ажыткан «Кванториум» уруглар технопарыгынга, «IТ-квантум», «Геоквантум», «Промробоквантум», «Аэроквантум», «Биоквантум», «Хайтек» угланыышкыннарга уругларга база оларның ада-иелеринге халас мастер-класстарны 2022 чылдың январь 5, 6, 8 база 9-та Чаа чыл байырлалдарында эрттирер.

24.12.2021 Тываның Баштыңы-биле «дорт чугаага» чедир чаңгыс хонук арткан
Тываның Баштыңы Владислав Ховалыг декабрь 25-те «Тува 24» телеканалдың дорт дамчыдылгазында, республика чурттакчыларының хүннүң айтырыгларынга харыыларны бээр. 

24.12.2021 Сергей Шойгу Тываның баштыңынга төрүттүнген хүнү-биле байырны чедирген
Декабрь 24-те Тыва Республиканың баштыңы Владислав Ховалыг 54 харлаан. Регион удуртукчузунуң адында бүгү чурттан байыр чедириишкиннери кээп турар.

23.12.2021 Кол күрэкспертизазы «Енисей» Р-257 трассаның участогунга капитал септелге сметазынга чөпшээрешкен
Тыва Республиканы өске регионнар-биле харылзаштырган кол транспорт оруу - «Енисей» Р-257 орук участогунга капитал септелге кылыр сметаны Россияның кол күрүне экспертизазы деткээн. Капитал септелге үезинде, объектиниң орук шывыын солуп, чаа асфальт-биле шып, демир адагаштарны тургузарын ведомствонуң парлалга албаны дыңнаткан.

22.12.2021 Тываның Баштыңы чон-биле "дорт чугааны" эрттирер
Декабрь 25-тиң хүнүнде 17:30 шакта, Тыва Республиканың Баштыңы Владислав Ховалыг «Тува 24» телеканалының дорт эфиринге,  республиканың чурттакчы чонунуң айтырыгларынга харыылаар.

22.12.2021 Тываның 850 хире чурттакчызы «социал керээ»-биле боттарының ажыл-херээн ажытканнар
Тываның 851 чурттакчызы Чонну ажылга хаара тудар төптер-биле социал керээлерни чарып, боттарының ажыл-херээн уштап, орулгаларын өстүрер аргалыг болган.

22.12.2021 Владимир Путинниң чылдың улуг парлалга конференциязы декабрь 23-те эртер
Бо удаада Президентиниң түңнел парлалга конференциязы журналистерниң киржилгези-биле болуп эртер. Росхереглел хайгааралының сүмелээни езугаар 500 кижи аңаа киржир. Парлалга конференциязы тус чернии-биле 16.00 шакта эгелээр.

21.12.2021 Тывада тергиин адыгжыга «Мерген Адыгжы» деп спортчу атты доктааткан
Кызылдың Улусчу чогаадылга бажыңынга чылдың тергиин спортчуларын илередир “Спортчу элита-2021” хемчег болуп эрткен.

20.12.2021 Тываның эрге-чагыргазы ажылчы коллективтерге чаа чыл корпоративтеринден ойталаарын сүмелээн
Тывада чаа коронавирус инфекциязындан аарыыр чоруктарның саны эвээжээн. Ындыг болзажок вакцина салырының чорудуу кожууннарда оожумнаан.

20.12.2021 РФ-тиң Министрлер кабинеди Тываны чырык-биле хандырар инвестиция төлевилелдерлиг комплекстиг планны бадылаан
Республиканың социал-экономиктиг хөгжүлде документизинде Тываның девискээринге үлетпүр болгаш социал ажылдарда хереглекчилерни чырык-биле хандырар комплекстиг ажылда нормативтиг эрге-хоойлу болгаш техниктиг хемчеглер кирген.

17.12.2021 2022 чылда республикада ажыл-херектерниң байдалының болгаш иштики политиканың дугайында «Тыва: чаа чүс чылдың эгези, чаа-чаа кыйгылар, чаа-чаа арга-шинектер» деп Тыва Республиканың Баштыңының Тыва Республиканың Дээди Хуралынга (парламентизинге) АЙЫТКАЛЫ
Хүндүлүг Каң-оол Тимурович!
 Хүндүлүг депутаттар!
Эргим чаңгыс чер-чурттугларым! Бөгүн бис эртип бар чыдар 2021 чылды түңнээр база чоокку келир өйде мурнувуста салдынган сорулгаларны тодарадыр дээш мында чыглып келген бис. Чүнүң-даа мурнунда, 2021 чыл Тываның чыл бижилгезинче Тыва Арат Республиканың тургустунганының 100 чыл ою болуп кирер. Тываның төөгүзүнде бо онза үе кезиндээн база ниитизи-биле ХХ-ги чүс чылды улуг чоргаарал-биле сактып чугаалажып турар бис.