Мергежилиниң тергииннерин күрүне шаңналдары-биле шаңнаан

27.12.2021 Эрткен чылды үдеп, Чаа чылды уткуп тура, кандыг чедиишкиннерлиг болганывысты түңнеп, мрунувуста кандыг сорулгалар барын хөй-биле кады үлежири - чаагай чаңчылдарның бирээзи. Бөгүн, декабрь 27-де, В. Көк-оол аттыг Тываның национал театрынга республиканың шылгараңгай кижилеринге күрүне шаңналдарын тыпсыр езулал болуп эрткен.
Республиканың аңгы-аңгы адырларында ажылдап чоруур мергежилиниң тергииннери, төрээн чериниң бурунгаар хөгжүлдезинде балалбас исти арттырып, хөй чылдарда ак сеткилдиг күш-ажылы-биле чедиишкиннерни көргүскен шалып ишчилер Чаа чылдың бүдүүзүнде чыглып келген.
2021 чыл – Тываның төөгүзүнде 100 чылды байырлаан юбилейлиг чыл кылдыр бижиттинген. Чыл нарын байдалдыг эртсе-даа, үре-түңнелдиг, көскү чедиишкиннерлиг онзагай болуушкуннар-биле байлак болган. Тыва Республиканың Баштыңының айытканы езугаар Улусчу эгелээшкиннерниң чылы бодунуң утка-шынарын бадыткаан. Чон бодунуң идепкейжи, чүткүлдүг, шиитпирлиг чоруун көргүскен. Республиканың эрге-чагыргазы чоннуң чагыгларынга даянгаш тургусканы Улусчу программа күрүне программаларының база национал төлевилелдерниң өзек кезээнче кирип, ажыл-агыйжы туруштарны тодараткан.
“Чурттуң Президентизи Владимир Владимирович Путин биле Сергей Кужугетович Шойгунуң деткимчези-биле эң берге айтырыгларны шиитпирлеп шыдадывыс. 2022 чылда кады демнежип, ниити күжениишкиннеривис-биле мурнувуста соругдалывысты чедип ап, төлевилелдеривисти амыдыралга боттандырып, күүселдезин чедип алыр бис” – деп, Тываның Баштыңы демдеглээн.
“Тывага юбилейлиг чылда дыка хөй чаартылгалар болуп, күзелдерниң боттаныышкынның чылы болганы-биле онзагай болган деп бодаар мен. Үнүп келир Чаа чыл Тывавыска чаагай өскерилгелерни, ажыл-ишчи кижилерге күш-ажылчы чедиишкиннерни, өг-бүлелерге өлчей-маңнайны эккеп, чүгле өөрүшкүнү, тиилелгелерни сөңнээр болзун! Чаа чыл-биле, эргим эштер!” – деп, байыр чедириишкинин кылгаш, бодунуң чарлыы-биле күрүне шаңналдарын тывысканын дыңнаткан.
Шаңал алган маадырларның күш-ажылчы намдары Тываның эрткен үелери-биле сырый холбаалыг: Чоннуң кадыын камгалаар дээш ажылынга уйгу-чыдын чок эрттирген хүннер. Келир салгалды кижизидип-өстүрер дээн чогаадыкчы ажыл-иш. Тыва чоннуң уран чүүлүн болгаш культуразын кадагалап, нептередиринге киириштирген үлүг-хуузу. Кижи бүрүзүнүң салым-чолу – карак кызыл ажыл-иштиң арыннары....

“Саяннар” хөгжүм болгаш самның национал театрының ыраажызы, Тыва Республиканың алдарлыг артизи, “Ада-чурттуң мурнунга ачы-хавыяазы” орденниң II чергезиниң, Россия Федерациязының Федерация Чөвүлелиниң Өөрүп четтириишкин бижииниң эдилекчизи, Тыва Республиканың улустуң артизи Кошкендей Айдысмаа Сайын-ооловнага «Россия Федерациязының алдарлыг артизи» хүндүлүг атты тывыскан.

Кызылдың М.А. Бухтуев аттыг 1 дугаар школазының эге класстар башкызы, Тыва Республиканың өөредилгезиниң алдарлыг ажылдакчызы, Улус өөредилгезиниң тергиини, Россия Федерациязының Өөредилге болгаш эртем яамызының Хүндүлел бижииниң эдилекчизи Манын-оол Алевтина Сандановна «Россия Федерациязының алдарлыг ажылдакчызы» хүндүлүг атты алган.

А.Б. Чыргал-оол аттыг Кызылдың уран чүүл колледжизиниң башкызы, Тыва Республиканың алдарлыг артизи Докулак Эльвира Доржуевнага «Россия Федерациязының культуразының алдарлыг ажылдакчызы» хүндүлүг атты тывыскан.

В.Көк-оол аттыг национал хөгжүм-шии театрының директору, Тыва Республиканың улустуң чурукчузу Шалык Начын Кара-ооловичге «Россия Федерациязының культуразының алдарлыг ажылдакчызы» хүндүлүг атты тывыскан.

Социалистиг чарыштарның тиилекчизи, Тыва Республиканың алдарлыг ажылдакчызы, чыл санында ачы-буян акцияларынга идепкейлиг киржип чоруур хуу сайгарлыкчы Монгуш Владимир Сагановичини Тыва Республика ордени-биле шаңнаан.

Республиканың эмчи колледжизиниң башкызы, “Кадык камгалалының тергиини” хөрек демдээниң эдилекчизи Ховалыг Валерий Самбылдаевичини “Шылгараңгай күш-ажылы дээш” Тыва Республиканың медалы-биле шаңнаан.

Тыва Республиканың Адвокаттар палатазының Адвокат кабинединиң болчукчузу, халажылгада милицияның майору, “Хамаатыларның эргелерин болгаш хостуг чоруун камгалаарынга ачы-хавыяазы дээш” медальдың 1-ги чергезиниң эдилекчизи, “Россияның Адвокатуразының 150 чылы” хөрек демдээниң эдилекчизи Верпето Николай Ивановичиге «Тыва Республиканың алдарлыг юризи» атты тывыскан.

В.Көк-оол аттыг национал хөгжүм-шии театрының артизи Шоюн Шеңне Александровнага «Тыва Республиканың алдарлыг артизи» атты тывыскан.

«ДЗЮДО» федерациязының вице-президентизи, “Тыва Республиканың күш-культура болгаш спорттуң тергиини” хөрек демдээниң эдилекчизи, Тыва Республиканың алдарлыг ажылдакчызы Сандаков Канчыыр Сандаковичиге «Тыва Республиканың алдарлыг тренери» атты тывыскан.

Республиканың 1 дугаар эмнелгезиниң лаборатория албанының эргелекчизи, Россия Федерациязының Кадык камгалал болгаш социал хөгжүлде яамызының хүндүлел бижииниң, “Кадык камгалалының тергиини” хөрек демдээниң эдилекчизи Ооржак Оксана Кыргысовнага «Тыва Республиканың алдарлыг эмчизи» хүндүлүг атты тывыскан.

Республиканың 1 дугаар эмнелгезиниң реанимация база интенсивтиг терапия палатазының терапевт эмчизи, Россия Федерациязының Кадык камгалал болгаш социал хөгжүлде яамызының хүндүлел бижииниң эдилекчизи, Тыва Республиканың кадык камгалалының алдарлыг ажылдакчызы Сарыглар Светлана Ырышовнага «Тыва Республиканың алдарлыг эмчизи» хүндүлүг атты тывыскан.

Өвүр кожууннуң төп эмнелгезиниң терапевт эмчизи, кол эмчиниң организас-методиктиг ажыл талазы-биле оралакчызы, Россия Федерациязының Кадык камгалал болгаш социал хөгжүлде яамызының хүндүлел бижииниң, “Кадык камгалалының тергиини” хөрек демдээниң эдилекчизи Монгуш Валентина Сагановнага «Тыва Республиканың алдарлыг эмчизи» хүндүлүг атты тывыскан.

“Тыва” күрүнениң теле- радио компаниязының информастыг программалар албанының начальниги, “Чонар-даштан бийир” VI республика мөөрейиниң лауреады Кузнецов Виталий Анатольевичиге «Тыва Республиканың алдарлыг журнализи» хүндүлүг атты тывыскан.

«Тываполиграф» КХН-ниң 5-ки разрядтың өрүкчүзү, Тыва Республиканың Чазааның даргазының хүндүлел бижииниң, Парлалга болгаш массалыг коммуникациялар талазы-биле федералдыг агентилелдиң хүндүлел бижииниң эдилекчизи Минчей Ноябрина Белек-ооловнага «Тыва Республиканың алдарлыг ажылдакчы» хүндүлүг атты тывыскан.

Чаа-Хөл суурнуң Ш.Ч. Сат аттыг ортумак школа директорунуң өөредилге-кижизидилге талазы-биле оралакчызы, “Россия Федерациязының ниити өөредилгезиниң хүндүлүг ажылдакчызы” хөрек демдээниң эдилекчизи Ондар Саяна Салчаковнага «Тыва Республиканың алдарлыг ажылдакчы» хүндүлүг атты тывыскан.

«Тываполиграф» КХН-ниң клиентилер-биле ажылдаар менеджери, Парлалга болгаш массалыг коммуникациялар талазы-биле федералдыг агентилелдиң хүндүлел бижииниң эдилекчизи Ооржак Серинмаа Кужугетовнага «Тыва Республиканың алдарлыг ажылдакчы» хүндүлүг атты тывыскан.

Федералдыг үндүрүг албанының Тыва Республикада эргелел удуртукчузунуң оралакчызы Топуран Урана Ховалыговнага «Тыва Республиканың алдарлыг ажылдакчы» хүндүлүг атты тывыскан.

Тываның күрүне университединиң юридиктиг факультединиң кафедра эргелекчизи, юридиктиг эртемнериниң кандидады, Россия Федерациязының Өөредилге болгаш эртем яамызының Хүндүлел бижииниң эдилекчизи Монгуш Алла Лоспановнага «Тыва Республиканың өөредилгезиниң алдарлыг ажылдакчызы» хүндүлүг атты тывыскан.

Дыңнавас уруглар школа-интернадының дефектолог башкызы, “Россия Федерациязының ниити өөредилгезиниң хүндүлүг ажылдакчызы” хөрек демдээниң эдилекчизи Базыр-Тара Алевтина Шагдыровнага «Тыва Республиканың өөредилгезиниң алдарлыг ажылдакчызы» хүндүлүг атты ттывыскан.

Чадаананың 3 дугаар школазының математика башкызы, “Улус өөредилгезиниң тергиини” хөрек демдээниң эдилекчизи Бегзи Долзат Доржуевнага «Тыва Республиканың өөредилгезиниң алдарлыг ажылдакчызы» хүндүлүг атты тывыскан.

Республиканың онкология диспансериниң эмчи сестразы, Россия Федерациязының Кадык камгалал яамызының Хүндүлел бижииниң эдилекчизи Биче-оол Александра Монгушевнага «Тыва Республиканың кадык камгалалының алдарлыг ажылдакчызы» хүндүлүг атты тывыскан.

Республиканың 1 дугаар эмнелгезиниң хирургия салбырының улуг эмчи сестразы Ооржак Любовь Шулуковнага «Тыва Республиканың кадык камгалалының алдарлыг ажылдакчызы» хүндүлүг атты тывыскан.

Чеди-Хөл кожуунуң Хову-Аксы суурда уругларның уран чүүл школазының театр салбырының башкызы Иргит Марита Борисовнага «Тыва Республиканың культуразының алдарлыг ажылдакчызы» хүндүлүг атты тывыскан.

Тыва Республиканың Баштыңының Хүндүлел бижии-биле:
Россияның ИХЯ Тыва Республикада № 10 пунктузунуң полицияның бүрүн эргелиг улуг участок төлээзи, полицияның капитаны Монгуш Мерген Идамовичини;
Кызыл хоорайда №11 ниити билиг школазының директору Китайкина Екатерина Анатольевнаны;
Россияның ОБЯ Тыва Республикада кол эргелелиниң начальниги, иштики албанның генерал-майору Артемов Алексей Серафимовични;
“Регионнар диалогу” коммерцияга хамаарышпас автономнуг организацияның регион-биле ажылдаар килдис начальниги Маскыр Майя Каадыровнаны;.
ТР-ниң Орук-транспорт яамызының хүндүлүг бижииниң эдилекчизи, хуу сайгарлыкчы Иргит Ужар-оол Александровичини;
Кызылдың чылыдылга-энергетика төвүнүң төпчүткен септелге цегиниң начальниги Черненко Виктор Григорьевичини шаңнаан.

Тыва Арат Республиканың 100 чылдаанынга тураскааткан юбилейлиг медаль-биле:
Күш-ажылдың хоочуну, Россия Федерациязының “Культурада ачы-хавыяазы дээш” хөрек демдээниң эдилекчизи Айыжы Михаил Иргитовичини;
Иштики албанның халажылгада подполковниги Орбадаев Юрий Владимировичини;
“Хүн-Хүртү” бөлүүнүң удуртукчузу, артист, Тываның улустуң хөөмейжизи, Россия Федерациязының алдарлыг артизи, “Тыва чоннуң чоргааралы” күрүне шаңналының эдилекчизи Ховалыг Кайгал-оол Ким-ооловичини;
Аңныыр ажыл-агыйының хоочуну Медведев Борис Алексеевичини;
Тожу кожууннуң Ий суурнуң “Арга-арыг цегиниң” тракторизи Ак Алексей Хулербеновичини;
Күш-ажылдың хоочуну, “РСФСР-ниң социал хандырылгазының тергиини” хөрек демдээниң эдилекчизи, Россия Федерациязының кадык камгалалының алдарлыг ажылдакчызы Дарыма Дайгымаа Астыкпановнаны;
Күш-ажылдың хоочуну, “ССРЭ-ниң кадык камгалалының тергиини” хөрек демдээниң эдилекчизи, Тыва АССР-ниң алдарлыг эмчизи Савилов Владимир Степановичини;
Сарыг-Септиң орук септелге-тудуг эргелелиниң директору, “Россияның хүндүлүг орукчузу” хөрек демдээниң 2-ги чергезиниң эдилекчизи Хабаров Михаил Васильевичини;
Өвүр кожууннуң Солчур сумузунда хууда дузалал ажыл-агыйының баштыңы, тыва Республиканың алдарлыг малчыны Монгуш Наталья Сазыговнаны шаңнаан.