Кол күрэкспертизазы «Енисей» Р-257 трассаның участогунга капитал септелге сметазынга чөпшээрешкен

23.12.2021 Тыва Республиканы өске регионнар-биле харылзаштырган кол транспорт оруу - «Енисей» Р-257 орук участогунга капитал септелге кылыр сметаны Россияның кол күрүне экспертизазы деткээн. Капитал септелге үезинде, объектиниң орук шывыын солуп, чаа асфальт-биле шып, демир адагаштарны тургузарын ведомствонуң парлалга албаны дыңнаткан.
III категорияга хамааржыр автомобиль оруу - «Енисей» Р-257 трассаның 950-963 километринде 13,043 км хемчээлдиг участогунга капитал септелгени кылыры көрдүнген.
Федералдыг бюджеттен акшаландырар орук ажылдарын 12 ай иштинде кылып доозарын планнаан. «Орук-тудуг төлевилел» КХН (Дорстройпроект) төлевилел документациязын белеткээн.
Тывада «Енисей» Р-257 трассаның 1046-1066 километринде участогун 2022 чылдан 2024 чылга чедир септээр деп, «Россияның кол күрүне экспертизазы» ФАА мооң мурнунда дыңнаткан турган.