Медээлер

18.03.2022 Чуртту база регионнарны хөгжүдүп сайзырадырынга боттарының санал-оналдарын киирер кылдыр Тываның чурттакчыларын чалаан
Стратегтиг инициативалар агентилелиниң (АСИ) «Чаа үеге күштүг идеялар» деп шуулганында, Россияның хамаатылары чуртту, регионну, хоорайны ниитизи-биле хөгжүдеринче угланган боттарының санал-оналдарын, тодаргай төлевилелдерин киирер арга бар. 

18.03.2022 Тес-Хем кожуунда 24 өскүстер чаа бажыңнарының дүлгүүрлерин
Тес-Хем кожуун чагыргазы “өскүс” болгаш “ада-иезиниң хайгааралы чок арткан” деп эрге-байдалдыг 24 хамаатыга дүлгүүрлерни байырлыг байдалга тывыскан. Кожуун чагырга даргазының социал политика талазы-биле оралакчызының хүлээлгезин күүседип турар Регина Намчак чаа бажыңнар алганнарга байырны чедирген. 

17.03.2022 Тывада кризиске удур баштайгы бөлүк хемчеглерни хүлээп алган
Тываның Баштыңы Владислав Ховалыг экономиканың база социал амыдыралдың турум чоруун хандырары-биле республиканың эрге-чагыргаларының ап чорудуп турары баштайгы хемчеглерин адаан.

17.03.2022 Тывада бирги хереглел барааннарынга өртектер өстүрген таварылгаларны дыңнадыр «изиг шугум» ажылдап турар
Тываның эрге-чагыргазы республикаже аъш-чем аймааның сөөртүлгезинде чидиг айтырыгны шиитпирлээри-биле Россияның Үлетпүр болгаш садыглаашкын яамызынче бижикти киирген. Хакассияның мөөң бараан сөөртүкчүлери Тываның чурттакчыларынга чугула барааннарны дүжүрерин ойталаанындан ону чоруткан.

17.03.2022 Тываның Баштыңы кризиске удур штабтың хуралын эрттирген
Марттың 15-те, республика чазаанда Кризиске удур штаб ийиги хуралын чыгган. Ону Тываның Баштыңы Владислав Ховалыг удуртуп эрттирген. 

17.03.2022 Тыва база бир оглун тускай операция үезинде чидирген
Украинага тускай шериг операциязының үезинде Роман Денисович Шляков маадырлыы-биле мөчээн. Тываның Баштыңы Владислав Ховалыг бодунуң телеграм-каналында ооң дугайында дыңнаткан.

16.03.2022 Бирги хереглел барааннарынга өртек немээрин кызыгаарлаар дээн чазак-чагырганың саналынга Тываның сайгарлыкчылары чөпшээрешкен
Тываның Экономиктиг хөгжүлде болгаш үлетпүр яамызы улуг садыг бүдүрүлгелериниң ээлери-биле ужурашкаш, социал ужур-дузалыг барааннарга база кол аъш-чем продуктуларынга өртектерни өйлээр айтырыгны сайгарып чугаалашкан.

16.03.2022 Тываның Баштыңы «Россияның почтазы» АН-ның өнчүзүнче почта салбырларының оран-саваларын дүрген дамчыдарын муниципалитеттерге сагындырган
Почта салбырлары бар оран-саваларны «Россияның почтазы» АН-ның өнчүзүнге дамчыдар ажылга Тываның Чазааның киржири херек апарган. Чамдык кожууннарда тус чер бот-башкарылга органнары өнчүнү дамчыдарындан ойталааны-биле, ол айтырыгны почтачылар республика баштыңының аппарат хуралында көдүрген.

15.03.2022 Тываның Баштыңы өртектерни кайы-хамаанчок өстүрген садыгжыларга административтиг хемчеглер-биле хөделирин негээн
Эрге-чагырга органнары-биле хыналда-хайгаарал албаннары хереглел барааннарының өртектеринге контрольду шыңгыырадыр. Республика Баштыңы Владислав Ховалыг аппарат хуралында ындыг айтыышкынны берген.

15.03.2022 Тывадан үш дайынчы тускай шериг операциязының үезинде мөчээнин дыңнаткан
Тываның Баштыңы Владислав Ховалыг, Украинага  шериг операция үезинде биче сержант Эдуард Билзенниң, ефрейторлар Адыгжы Монгуштуң, Ромаз Оюннуң мөчээнин,   дыңнаткан. 

14.03.2022 Росхереглел хайгааралының Тывада эргелели чамдык сайгарлыкчы чорук объектилериниң ажылын катап эгелээрин саналдаан
Чаа коронавирус халдавырындан аарыыр чоруктуң эвээжээнин барымдааалааш, ону саналдаан. Тываның кол  санитар эмчизи Людмила Салчак республиканың удуртулгазынче ооң мурнунда киирген кызыгаарлаттынган хемчеглерни чымчадыр, азы ап кааптар чаа санал-оналдарны киирген. Хамаатыларның канчаар алдынарынга, сайгарлыкчы чорук, культура, спорт база ачы-дуза адырының объектилериниң ажылынга, амыдырал-хандырылганың шупту адырында ажылды организастаарынга ол хамааржыр.  

14.03.2022 Тываның чагырга черлери суггарылга системазының документилерин аайлап эгелээр даалганы алган
Республикада ниитизи-биле 135,5 муң гектар тарылга шөлүнүң чүгле 33,2 муң гектары, азы 24,8 хуузу суггарылгалыг. Регион чер ажылынга таарымча чок зонага хамааржыр болганындан, суггаттыг черлерге культураларны тарыыры - эки дүжүттү алырының кол магадылалы ында.

11.03.2022 Тываның Баштыңы Росхереглел хайгааралының регион эргелелиниң хуралынга киришкен
Хереглекчилерниң эргелерин болгаш кижиниң чаагай чоруун камгалаар адырда хайгаарал талазы-биле федералдыг албанның регион эргелелиниң 2021 чылда Тывага кылып чоруткан ажыл-чорудулгазының түңнелдерин үндүрген хуралга республика Баштыңы Владислав Ховалыг киришкен.

11.03.2022 Тывада мартты туберкулёз-биле демиселдиң айы кылдыр чарлаан
Тывада туберкулез талазы-биле эпидемиологтуг байдал чогумчалыг эвес. 2021 чылда девискээрде аарыыр чорук ортумак российжи көргүүзүгден 3,7 катап, Сибирь федералдыг округда – 2 катап хөй. 2020 чылга деңнээрге аарыыр чоруктуң өзүлдези 42,4 хуу болган.

11.03.2022 Тывада хөй ажы-төлдүг өг-бүлелер «социал хөмүр» дээш билдириишкиннерни март 31-ге чедир киирип болур
«Социал хөмүр» төлевилел-биле кадыг одаар чүүл деткимкезин бээринче билдириишкиннер хүлээп алырын 2022 чылдың март 31-ге чедир узаткан. Февраль төнчүзүнге чедир документилерни хүлээп алырын дыңнаткан турзажок, февральдың 25-ке чедир чүгле 2088 билдириишкин кирген.

11.03.2022 Тываның Баштыңы республиканың хөй-ниити организацияларының база политиктиг партияларның төлээлери-биле ужурашкан
Тываның Баштыңы Владислав Ховалыг Украинаны демилитаризастаар база и денацификастаар хүлээлгени күүседип турар российжи армияны база Президентини деткиири-биле, республиканың политиктери база чурттакчылары каттыжып, аңгылажыышкыннарны уттуптарын кыйгырган.

10.03.2022 Тываның Баштыңы Донбасска тускай операция үезинде мөчээн оолдуң өг-бүлезинге кажыыдалын илереткен
Тываның Баштыңы Владислав Ховалыг Украинага тускай операция үезинде мөчээн шериг албанныг оолдуң өг-бүлезинге кажыыдалын илереткен.

10.03.2022 Тывага көдээ ажыл-агый кооперативтериниң республика шуулганы бир дугаар болуп эртер
Март 18-те болуп эртер көдээ ажыл-агый кооперативтериниң бирги республика шуулганында, суурларда биче ажыл-агыйларның турум хөгжүлдезин магадылаар көдээ ажыл-агый кооперациязынга хамаарышкан айтырыгларны сайгарарын Тываның Көдээ ажыл-агый яамызы дыңнаткан.

10.03.2022 Кызыл база ол чоок-кавының чурттакчыларынга хөй-ниити транспортунга чоруурунуң эптиг схемазын шилип алырын саналдаан
Тываның Орук-транспорт комплекизиниң яамызы Кызыл хоорай мэриязы-биле кады маршрут четкизин сайзыраңгайжыткан схеманы бадылаар кылдыр салган.

09.03.2022 Тываның Көдээ ажыл-агый яамызы «Агростартап» грантыны ажыглаарынче араттарны кыйгырган
Тываның Көдээ ажыл-агый яамызы «Биче болгаш ортумак сайгарлыкчы чорук» национал төлевилел чорудуу-биле «Агростартап» грантыны бээринге документилер хүлээрин уламчылавышаан.