Чаа чыл бүдүүзүнде Тываның Баштыңы салым-чаяанныг аныяк ыраажы Денберел Ооржак-биле ужурашкан. Бистиң республикадан үнген эстрада сылдызын сөөлгү айларда төп телеканалдардан хөйү-биле көрүп болур.

Декабрь 30-де, Тываның Баштыңы Владислав Ховалыг Чаа чыл байырлалдарының дыштанылга хүннеринде чылыг-энергетика, чуртталга-коммунал болгаш кадык камгалал, культура болгаш спорт организацияларының чылыг-биле үзүктел чок хандырылгазы дээш өске-даа айтырыгларынга хамаарыштыр республиканың Чазааның хуралын эрттирген.  

Декабрь 28-те «Чедер» республиканың кадык камгалал чери санаторлуг-курорт эмнээшкин адырында эмнээшкин  ажыл-чорудулгазын чорудар албан езузунуң чөпшээрелин алган. 

Хүндүлүг сибирьжилер! Кел чыдар Чаа чыл-биле сеткилимниң ханызындан байыр чедирип тур мен! 

Декабрьның 28-те, Чаа чылдың бүдүүзүнде, В.Көк аттыг Национал хөгжүм-шии театрынга республиканың хөгжүлде-сайзыралынга улуг үлүг-хуузун киириштирген хоочуннарга, онза байдалдар үезинде боттарының үлүүн каттыштырып тулушкан оолдарга, чону-биле деңге ажылдаан болгаш улуг чурттуң хамаарышпас чоруун камгалаар дээш эрес-дидим тулчуп чоруур дайынчыларга, ачы-буян чыылдазының идепкейжилеринге база спорт адырының төлээлеринге күрүне шаңналдарын тыпсыр езулал болуп эрткен.

Тываның Баштыңы Владислав Ховалыг Кызылдың Индустриалдыг парыгында, 2020-2024 чылдарда социал-экономиктиг хөгжүлдениң бот-тускайлаң программазының шугуму-биле регионнуң чазаандан деткимче алган сайгарлыкчыларның бүдүрүлге объектилерин хынап четкен.

Россия Федерациязының Президентизиниң Сибирь федералдыг округта бүрүн эргелиг төлээзи Анатолий Серышев «Күзелдер Шивизи» деп бүгү-российжи ачы-буян акциязы-биле аныяк сибирьжилерниң Чаа чылда ыдык күзелдерин боттандырган.

Тывада эвээш орулгалыг өг-бүлелерге хамааржыр деп бадыткалы бар хөй ажы-төлдүг өг-бүлелер республика бюджединиң акша-хөреңгизи-биле бичии уругларынга эмнерни халас алыр. 

Тывада 2024 чылдың эгезинден тура хоойлуга удур садыглаашкындан хавырган арага продукциязының саны эң хөй болган.

2024 чылдың ноябрь 21-де «Чаа чылдың Россиязы» деп байырлыг программа «Россия» Национал төпте эгелээн, аңаа келген аалчылар бистиң чуртувустуң чоннарының культуразы болгаш чаңчылдары-биле таныжып, улусчу уран чүүлүнүң болгаш ус-шеверлерниң онзагай кылыгларын көрүп, бүдүн өг-бүлези-биле культурлуг хемчеглерге киржип болур.

Сибирь федералдыг округта президентиниң бүрүн эргелиг төлээзи Анатолий Серышев ажык албан-дужаалдыг кижи эвес-даа болза, ооң ажылының дугайында медээлер кайы хөй. 

Чаа чыл бүдүүзүнде, Тыва Республиканың Чазааның бажыңынга, аңгы-аңгы адырларның хоочуннарынга ССРЭ-ниң составынче Тываның эки тура-биле киргениниң 80 чылынга тураскааткан юбилейлиг медальдарны тыпсыр байырлыг езулал болуп эрткен.

Бөгүн Кызылга Тываның ниити өөредилге албан черлериниң директорлары чаа школа автобустарының дүлгүүрлерин байырлыг байдалга хүлээп алган.

Ада-чурттуң Улуг дайынының киржикчизи, Тываның шылгараңгай херээженнериниң бирээзи – тоолчургу Вера Байлактың төрүттүнгенинден бээр декабрьда 100 чыл болган. Вера Чүлдүмовнаның овур-хевири бөгүн ооң салгакчыларының – Баданнарның өг-бүлезиниң аал-оранында хүндүлүг черни ээлеп турар.