Бөгүн Тываның Чазаның бажыңынга, Тыва Республиканың Чазааның Даргазының оралакчызы Айдың Чюдюктуң удуртулгазы-биле Тыва Республикада сепаратисчи, националисчи хөөннүг кыжаныышкыннарның, массалыг үймээннер болгаш экстремисчи угланыышкынныг кем-херек үүлгедиишкиннериниң тыптып база тараарын болдурбас болгаш аңаа удур дүрген хөделир республика штавының хуралы болуп эрткен.

Тыва чурттакчы чоннуң хар-назыны-биле Россия Федерациязының эң аныяк субъектилериниң бирээзи болуп артпышаан: республиканың чурттакчы чонунуң үштүң бир кезии, азы чурттакчыларының ниити санының 31,7 хуузу – 14 хардан 35 харга чедир аныяктар. 

Тываның Чазаа «Көдээ ажыл-агый ажыглалдыг черлерни ажыглаарының дугайында» регионалдыг хоойлунуң төлевилелин Дээди Хуралга сайгарар кылдыр дамчыткан. 

Хоорай мэриязының медээзи-биле алырга, декабрь 9-та немелде котелду одап эгелээн. Бөгүнде ийи котел агрегады ажылдап турар, ам бир котел курлавырда.

Россияның Президентизиниң Сибирь федералдыг округда бүрүн эргелиг төлээзи Анатолий Серышевтиң «Күзелдер Шивизи» ачы-буян акциязында киржири чаагай чаңчыл апарган. 

Тываның Баштыңы Владислав Ховалыг Россияның экологтуг операторунуң чиңгине директору Денис Петрович Буцаев-биле ажылчын ужуражылга үезинде республикада бок болбаазырадыр системаны эде кылырынга кол рольдуг улуг хемчээлдиг инвестиция төлевилелин – Тывада бокту аңгылаар полигоннуг комплекс тудуун чугаалашкан.

Каа-Хем кожууннуң Бояровка суур чаа Культура бажыңын туткан. 2021 чылдан Тываның суурларында «Сорунза» губернатор төлевилели-биле туткан 14-кү объект болур.

2024 чылдың декабрь 8-те, Россияның Президентизиниң Сибирь федералдыг округда бүрүн эргелиг төлээзи Анатолий Серышев Омск облазынга ажыл-агый аайы-биле чорааш, областың губернатору Виталий Хоценко-биле регионнуң чугула социал-экономиктиг байдалын, мурнады боттандырар угланыышкыннарын чугаалашкан.

Декабрь 9-та Кызылда Тиилелге шөлүнге Ада-чурт Маадырларының хүнүнге тураскааткан байырлыг митинг болуп эрткен.

Регионнуң Баштыңы Владислав Ховалыгның эгелээшкиннери болгаш федералдыг төптүң деткимчези-биле сөөлгү үш чылда Тываның тудуг адыры шапкын хөгжээн. 

Тускай шериг операциязының зоназында Тывадан шериг албанныгларга дээш бо чылдың сөөлгү кышкы гуманитарлыг ачы-дуза чүъгүн хевирлээр кампания республикада доозулган. 

Россия Федерациязының Президентизиниң Сибирь федералдыг округда бүрүн эргелиг төлээзи Анатолий Серышев Красноярск крайның 90 чыл оюнга тураскааткан байырлыг хуралга киришкен. 

Республика Баштыңы ийи өөредилге албан чериниң – Кызыл хоорайның «Спутник» микрорайонунда туттунуп турар 825 олуттуг ниити билиг школазы база капитал септелгези доозулгалак Кызылдың 4 дугаар школа объектилерин хынап көрген. 

Тываның Баштыңы Владислав Ховалыг республиканың удуртулгазының болгаш хөй националдыг чонунуң өмүнээзинден кожа регион – Красноярск крайның чурттакчыларынга база ооң губернатору Михаил Котюковка Россия Федерациязында эң улуг субъектизиниң тургустунганындан бээр 90 чыл ою-биле байырны чедирген.

Декабрь 6-да Тываның Баштыңы Владислав Ховалыгның удуртулгазы-биле дугуржулгазы регионнар аразының ассоциациязының транспорт талазы-биле дүүштүрүлге чөвүлелиниң хуралы видеоконференция дамчыштыр болуп эрткен.