Медээлер

05.11.2024 Тываның найысылалында калчаа аарыынга удур карантин эгелээнден бээр 700 ажыг дириг амытаннарны тараан

Тываның найысылалы Кызыл хоорайда хамчык аарыгларынга удур албан специалистериниң рейдилери ээзи чок дириг амытаннарда аарыгны илередири-биле уламчылап турар.

05.11.2024 Тыва 2024 чылда чуртталга тудуун киирериниң хемчээлин ийи катап көвүдеткен

Тывада чуртталга тудуунуң хемчээли 2023 чылга деңнээрге 2024 чылда 2,1 катап улгадып, чыл төнчүзүнге чедир эң хөй – 365,1 дөрбелчин метр чедер.

05.11.2024 Тывага Чоннарның чаңгыс деминиң хүнүн улуг концерт-биле демдеглээн

Арат шөлүнге республиканың национал культураларының хөй янзызын көргүскен артистерниң болгаш бөлүктерниң киржилгези-биле Чоннуң чаңгыс деминиң хүнүн улуг байырлыг концерт-биле демдеглээн. 

04.11.2024 Анатолий Серышев сибирьжилерге Чоннуң чаңгыс деминиң хүнү-биле байыр чедирген
Россия Федерациязының Президентизиниң Сибирь федералдыг округта бүрүн эргелиг төлээзи Анатолий Серышев байыр чедириишкининде  Чоннуң чаңгыс деминиң хүнүнүң төөгүлүг болгаш сүлде-сүзүктүг ужур-утказы онза бедик дээрзин демдеглээн.

04.11.2024 Владимир Путин Чоннуң чаңгыс деминиң хүнү-биле Владислав Ховалыгга база Тываның чуртттакчыларынга байырын чедирген

Россия Федерациязының Президентизи Тываның Баштыңы Владислав Ховалыгга болгаш тыва чонга Чоннуң чаңгыс деминиң хүнүн таварыштыр байырын чедирген.

02.11.2024 Бүрүн эргелиг төлээниң оралакчызы Вадим Головконуң удуртулгазы-биле “Кадык камгалалы” национал төлевилелдиң Сибирьде боттаныышкынын сайгарып чугаалашкан

Сибирь федералдыг округтуң бүрүн эргелиг төлээзиниң оралакчызы Вадим Головконуң удуртулгазы-биле эрткен хуралда «Кадык камгалалы» национал төлевилелдиң регионнарда боттаныышкынын чугаалашкан. 

02.11.2024 Чоннуң чаңгыс деминиң хүнүнүң бүдүүзүнде күрүне шаңналдарын тывыскан

Бөгүн Тываның Чазак бажыңынга, Чоннуң чаңгыс деминиң хүнүнүң бүдүүзүнде, күш-ажылчы шылгараңгай чедиишкиннерлиг чаңгыс чер чурттугларывысты, аңгы-аңгы адырларның, корум-чурум камгалаар органнарның башкарыкчы специалистерин болгаш хоочуннарын, аңгы-аңгы язы-сөөк чоннарның болгаш салгалдарның төлээлеринге күрүне шаңналдарын тыпсыр езулал болуп эрткен.

01.11.2024 Тывада Национал чечен чогаал шаңналының тиилекчилерин шаңнаан

Бөгүн В. Көк-оол аттыг национал театрга, «Тыва дыл – чоннуң өнчүзү» деп шуулган үезинде, Тываның Баштыңы Владислав Ховалыг Национал чогаал шаңналының тиилекчилерин байырлыы-биле чарлап, оларга акша сертификаттарын тывыскан.

01.11.2024 Тывада «Тыва дыл – чоннуң өнчүзү» шуулган тос дугаар эрткен

Бөгүн республикада Тыва дыл хүнүн демдеглеп эрттирип турар. В. Көк-оол аттыг Национал хөгжүм-шии театрынга ол болуушкунга тураскаадып эрткен «Тыва дыл – чоннуң өнчүзү» шуулганга күрүне дылы кылдыр тыва дылды ажыглаарының, ону өөредириниң болгаш амыдыралга боттандырарының шиитпирлерин хүлээп алган. 

01.11.2024 Тываның Чазааның ээлчеглиг хуралынга элээн каш нормативтиг-эрге-хоойлу актыларын бадылаан

Тываның Чазаанга, республика Баштыңы Владислав Ховалыгның удуртканы ээлчеглиг хуралга элээн каш нормативтиг эрге-хоойлу актыларын сайгарып көрген. 

01.11.2024 Тывада мал чемин белеткээр кампания доозулган

Республиканың Көдээ ажыл-агый яамызының медеглээни болза, 220 ажыг муң гектар черни кезип, 219 муң тонна сиген-ширбиилди бөлген.

01.11.2024 Республика Чазааның хуралынга Тываның бюджединиң 2025-2027 чылдарда төлевилелин чугаалашкан

Тываның Дээди Хуралының депутаттарының сайгарылгазынче 2025 база 2026-2027 чылдарда республика бюджединиң дугайында хоойлу төлевилелин киирген.

31.10.2024 Тывада хөй ажы-төлдүг өг-бүлелер Күрүне ачы-дузалары таварыштыр шынзыдылганы долдуруп болур

Ам хөй ажы-төлдүг деп шынзыдылганы алырда, Күрүне ачы-дузазының порталында доктааткан майыкка электроннуг билдириишкинни долдурар. 

31.10.2024 Кызылда калчаа аарыг ыттың илереттингенинден карантинни чарлаан

Кызыл хоорайда черлик ыттан калчаа аарыы илереттинген. Халдавырның тарап нептерээрин болдуразы-биле, хоорай девискээринде карантинни чарлаан.

31.10.2024 Тывада кижилерден өнчү-хөреңги үндүрүглерин чыыр кампанияны 30 хонукка узаткан

Тывада кижилерден өнчү-хөреңги үндүрүглеринге амгы төлевирлер болгаш өрелер чыырының шалыпчы айы ноябрь 25-ке чедир уламчылаар.

31.10.2024 Тывага дыл политиказының талазы-биле күрүне чөвүлелиниң ээлчеглиг хуралы болуп эрткен

Октябрьның 30-де, Чазак бажыңынга Тываның Баштыңы Владислав Ховалыгның даргалааны Дыл политиказының талазы-биле күрүне чөвүлелиниң хуралы болуп эрткен.

30.10.2024 Тываның өөредилге сайыдының албан-хүлээлгезин күүседир кылдыр Ренат Чадамбаевич Ооржакты томуйлаан
Ренат Ооржак Москвада Россияның Улустарның найыралы университеттиң 2003 чылда, Тываның күрүне университединиң 2018 чылда доозукчузу.

30.10.2024 Анатолий Серышев: Улуг эртем төлевилелдерин боттандырары – Сибирь регионнарының бурунгаарлаашкынныг хөгжүлдезинге үндезин

Сибирь регионнарының бурунгаарлаашкынныг хөгжүлдезинге үндезин болур улуг эртем төлевилелдериниң боттаныышкыны, ылаңгыя Новосибирск облазынга «Сибирьниң фотоннарының долгандырыг төвү» коллективтиг ажыглал төвүнүң тудуу - Сибирь федералдыг округда Россия Федерациязының Президентизиниң бүрүн эргелиг төлээзи Анатолий Серышевтиң хууда контролюнда.

30.10.2024 Тывада элээн каш культура объектилерин капиталдыг септээн соонда байырлыы-биле эрткен неделяда ажыткан

Барыын-Хемчиктиң Аксы-Барлык база Тожунуң Салдам суурларда Культура бажыңнарын база Бии-Хемниң төвү Туран хоорайда Сафьяновтар аттыг музейни капитал чаартылга соонда ажыткан. 

30.10.2024 Тывада күрүне өнчү-хөреңгизин хуужударының дугайында дыңнадыглар ажык болгаш чедингир апаар

Тывада күрүне өнчү-хөреңгизин хуужударының албан езунуң шупту медээлерин www.minzem.rtyva.ru сайтыга салыры албан.