Медээлер

30.07.2024 Тываның Баштыңының чарлыы-биле Урянхай крайның бирги Камбы-Ламазы Ондар Лопсан-Чамзының чаагай адын катап эгиткен

Бо чылдың июньда Тыва Республиканың Камбы-Лама эргелелиниң тургустунганындан бээр 105 чылын демдеглеп эрттирген. 

28.07.2024 «Тувинская правда» чүс чылдаан юбилейин демдеглээн

Тыва үндезин культура төвүнге болуп эрткен байырлалга Тываның эң баштайгы  парлалга үндүрүлгезиниң хоочуннары, ооң авторлары, өске-даа массалыг информация четкилеринден коллегалары, ол ышкаш республиканың аңгы-аңгы адырларының төлээлери “Тувинканың” коллективинге байыр чедирер дээш чыглып келгеннер.

26.07.2024 Тывадан ээлчеглиг дузаламчы фронтуже чорупкан

Республикадан ээлчеглиг дузаламчыны ниити-россияның Улусчу фронтузу «Шупту чүүлдү Тиилелгеже!» деп акцияның иштинге организастаан.

25.07.2024 Тывада чаа өөредилге сайыдын томуйлаан

Тываның Баштыңы Владислав Ховалыг өөредилге сайыдынга Елена Самбаланы томуйлаар дугайында чарлыкка атты салган. 

20.07.2024 Россия Федерациязының Президентизиниң чанында Уругнуң эрге-ажыктарының талазы-биле бүрүн эргелиг төлээ Мария Львова-Белова Тывага ажыл-агыйжы сургакчылаашкын-биле чораан

Россия Федерациязының Президентизиниң чанында Уругнуң эрге-ажыктарының талазы-биле бүрүн эргелиг төлээ Мария Львова-Белова Тывага ажыл-агыйжы сургакчылаашкын-биле июль 18-те чораан. Бедик албан-дужаалдыг аалчыны Кызылдың аэропортунга Тываның Баштыңы Вячеслав Ховалыг, Уругнуң эрге-ажыктарының талазы-биле Тывада бүрүн эргелиг төлээ Саида Сеңгии болгаш өске-даа удуртукчулар уткаан.

19.07.2024 Кызылга Наадым байырлалынга тураскааткан «Ус-Куш» делгелге эрткен

Малчыннарның Наадым байырлалының үезинде Тыва үндезин культура төвү биле республиканың сайгарлыкчылар эвилели Тываның ус-шеверлериниң “Ус-Куш – 24” фестиваль-мөөрейин организастаан. Ус куш дээрге уязын боп-борбак, кирер аксын куду кылдыр чараштыр кылып алыр кончуг ус-шевер куш-тур.

“Ус-Куш” делгелгени Кызыл хоорайның Ленин кудумчузунуң эгезинде, Тыва үндезин культура төвүнүң баарында, мөөрейни сонуургап келген чонга кончуг эптиг черде ажыткан.

19.07.2024 Эң күштүү шүүлген

Малчыннарның Наадым байырлалының эң чараш, хөй кижилер сонуургап көөр болуушкуннарының бирээзи – тыва улустуң национал хүрежи. Бөгүн, июль 19-та, Кызылда “Хүреш” стадионга “Наадым – 24 -ке" тураскааткан хүреш маргылдаазы болуп эрткен. Ооң байырлыг ажыдыышкынынга Тываның Баштыңы Владислав Ховалыг киришкен.

18.07.2024 Тывада одалга сезонунга белеткелдер эгелээн

Тыва Республиканың Чазааның Аппарат хуралынга 2024 чылдың одалга сезонунга белеткел ажылдарының дугайында чугаалашкан.

ТР-ниң Одалга болгаш энергетика яамызының илеткээни-биле алырга, 2024 чылдың одалга сезонунга белеткел ажылдары график езугаар чогуур үе-шаанда боттанып турар. Ажылдың 45 хуузу белен. Одалга-энергетика комплекизиниң объектилериниң кышка белеткели – 38 хуу болза, ЧКА-ның 28 хуу, а социал адырда албан черлериниң – 18 хуу боттанган болуп турар. Специалис­терниң демдеглээни-биле алырга, социал адырның кышка белеткел ажылдары өскелерден аскап турар.

17.07.2024 Тыва Арат Республиканың ССРЭ-ге эки тура-биле каттышканының 80 чылдаан оюнга тураскааткан «Наадым-2024» малчыннар байырлалының хемчеглер ПЛАНЫ

16.07.2024 Тывада Тастыг чыдының инвестору «Профессионалитет» төлевилел-биле тус черниң кадрларын өөредип, ажылга тургузар планныг

Тываның Баштыңы Владислав Ховалыг «Эльбрусметалл» АН-ның чиңгине директору Евгений Балуков-биле ужурашкан.

12.07.2024 Тываның Баштыңы Тыва Республиканың Прокуратуразының чаа бажыңының ажыдыышкынынга киришкен

Июль 12-де найысылал Кызылдың төвүнде Тыва Республиканың Прокуратура албанының туттунган чаа оран-савазын байырлыг байдалга ажыткан. 

12.07.2024 Тываның Баштыңы Чөөн-Сибирь округтуң Арбитраж судунуң даргазы-биле ужурашкан

Тываның Баштыңы Владислав Ховалыг Чөөн-Сибирь округтуң Арбитраж судунуң даргазы Светлана Антонова болгаш Тыва Республиканың арбитраж судунуң даргазы Владимир Ажы олар-биле ужурашкан.

11.07.2024 Тываның чуртталга-коммунал ажыл-агыйының чаа сайыдын томуйлаан

Тываның Баштыңы Владислав Ховалыг мооң мурнунда хөй аалдыг бажыңнарның капитал септелгиниң коммерцияга хамаарышпас регионалдыг фондузун директорлап турган Мерген Дагбаны чуртталга-коммунал ажыл-агыйның чаа сайыдынга томуйлаан чарлыкка атты салган.

11.07.2024 Тывада арга-арыг өрттериниң талазы-биле “онза байдал” чурумун соксаткан

РФ-тиң Президентизиниң Сибирь федералдыг округта бүрүн эргелиг төлээзи Анатолий Серышевтиң чанында оперативтиг штабтың хуралынга 2024 чылда Сибирьниң регионнарында өрт сезонунуң эртип турарын чугаалашкан.

11.07.2024 Тываның Баштыңы республикада школалар тудуун болгаш септелгезин хынаан

Владислав Ховалыг Тываның барыын кожууннарынга ажылчын сургакчылаашкын  үезинде школалар тудуу болгаш септелгези кайы хире чоруп турарын хынап,  элээн каш социал объектилерге четкен. 

10.07.2024 Тываның Баштыңы тергиин өөредилгелиг доозукчулар-биле ужурашкан

Бөгүн Тываның Баштыңы Владислав Ховалыг республика школаларының медальдарлыг доозукчулары-биле ужурашкан.

10.07.2024 Тываның Баштыңы «Үстүү-Хүрээ» фестивалының бирги хүнүнде аалдап четкен

Тываның Баштыңы Владислав Ховалыг фестивальдың бирги хүнүнде чедип, үрде манааны хөгжүм байырлалының катап эгелээни-биле киржикчилерге болгаш аалчыларга байырын чедирген. 

10.07.2024 Шагаан-Арыг хоорайның котельнаязында чылыг сезонунга белеткел ажылдары чоруп турар

Дүүн Тываның Баштыңы Владислав Ховалыг республиканың барыын талазында Улуг-Хем, Чөөн-Хемчик, Барыын-Хемчик база Бай-Тайга кожууннарда социал болгаш амыдырал-хандырылга объектилерниң тудуу болгаш капитал септелгези кайы хире чоруп турарын хынаан.

09.07.2024 Тываның үндүрүг төлекчилери эрткен чылдарның өнчү-хөреңги үндүрүглеринге өрелерин июльда төлеп ап болур

ТР-ниң Чазаа июльда хуу кижилерден өнчү-хөреңги үндүрүглериниң өрезин чыыр айны чарлап, агар санныг карталарын хаар, аай-дедир чоруурунга кызыгаарлаашкыннар дээш хоругдалдарны болдурбазы-биле үндүрүг албанында өрелерин төлээр арганы берген.

09.07.2024 Кызылда ча адарынга Россия чемпионады эгелээн

Советтиг Тываның 5 чылы аттыг стадионга ча адарынга Россия чемпионадының байырлыг ажыдыышкыны болуп эрткен. Россияның 20 ажыг регионундан 300 хире спортчу ча адарынга Россия чемпионадының тиилекчизи ат дээш үш хонуктуң дургузунда мөөрейлежир.