Медээлер

12.11.2024 Тывада кем-херектер саны кызырлып турар

2024 чылдың тос айларында Тывада бүрүткеттинген кем-херектерниң саны доктаамал кызырлып турары демдеглеттинген.

12.11.2024 Владислав Ховалыг РФ-тиң юстиция сайыды-биле ужуражылгазында кеземче албан чериниң чаа оран-савазын тудар айтырыгны катап көдүрген

Тываның Баштыңы Владислав Ховалыг Москвага ажыл-агый аайы-биле сургакчылаашкын үезинде, Россияның юстиция сайыды Константин Чуйченко-биле ужуражып, Кызыл чоок-кавы девискээринге түр үениң хоругдал чери биле колония тудуун тударының дугайында ооң мурнунда дугурушкан айтырыын база катап көдүрген. 

12.11.2024 Тывага «Россияның байлаа» деп улусчу ужур-чаңчылдар фестивалы болуп эрткен

Улусчу чогаадылга бажыңынга республиканың өөредилге черлериниң улусчу ужур-чаңчылдар талазы-биле IX фестивалы болуп эрткен.

12.11.2024 РФ-тиң Президентизиниң Сибирь федералдыг округда бүрүн эргелиг төлээзи Новосибирскиниң «Динамо» организациязынга 100 чылдаан ою-биле байырны чедирген

Россия Федерациязының Президентизиниң Сибирь федералдыг округта бүрүн эргелиг төлээзи Анатолий Серышев «Динамо» деп Новосибирск область организациязынга 100 чыл болган ою-биле байырны чедирген. 

11.11.2024 Мугур-Аксы суурда чырык хандырылгазының ажылында үрелиишкиннерниң уржуун чайладыр бригада ажылдап турар

Чырык талазы-биле специалистер болгаш «Дизель» КХН наладчиги Мөңгүн-Тайга кожууннуң Мугур-Аксы суурда электростанцияның чырык четкилеринде токтуң өжүп-кыпкан болуушкунун шинчилеп база чайладыр дээш ажылдап турар.

11.11.2024 Тываның Баштыңы барааннарга «Шынчы демдек» демдек системазының ажыглалын контрольдаар штабты тургускан

«Шынчы демдек» системазын ажылдадыры Тываның Чазааның ажыл-чорудулгазының аңгы адыры апаар. Республиканың Баштыңы Владислав Ховалыгның дужаалы-биле ол ажылды углап-баштаар ведомстволар аразының штабын тургускан, ону чазак даргазының оралакчыларының бирээзи удуртур.

11.11.2024 Тыва дугайында чаа кинону VK Места төлевилел тырттыргаш үндүрген

Бурган изи, Россияда Будданың эң улуг тураскаалы, малчыннар Нааыдымы, тыва араттарның ужурлары – бо бүгүнүң база өске-даа чүүлдерниң дугайында VK Видео-да кыска кинога көргүзер.

08.11.2024 Тывага Иштики херектер ажылдакчыларның хүнүн демдеглеп эрттирген

Ноябрь 10-да Россияда иштики херектер ажылдакчылары профиессионал байырлалын демдеглеп эрттирип турар. 

07.11.2024 Тывада хөй ажы-төлдүг өг-бүлелерге музейлер, делгелгелер болгаш парктарже халас кирер эргени быжыглаан
Тываның эрге-чагыргазы хөй ажы-төлдүг өг-бүлелерге музейлерже халас кирер арганы берген.

07.11.2024 Тывада мал кыштаглаашкынында онза байдалдарны хайгаараар регионалдыг штабты тургускан

Келир кышта мал ажыл-агыйларынга болгу онза байдалдарны ажып эртеринге эрге-чагырга органнарының болгаш сонуургалдыг организацияларның демниг ажылын хандырар сорулгалыг Тываның Чазааның чанында оперативтиг штаб тургустунган.

07.11.2024 Президентиниң СФО-да бүрүн эргелиг төлээзи Анатолий Серышев округда арага болгаш таакпы продукциязының рыногун чурумчудар айтырыгны чугаалашкан

Россия Федерациязының Президентизиниң Сибирь федералдыг округда бүрүн эргелиг төлээзи Анатолий Серышев Сибирь федералдыг округда арага болгаш таакпы рыногун контрольдаар регионнар аразының эргелелиниң удуртукчузу Светлана Романова-биле ажыл-агыйжы ужуражылганы эрттирген.

06.11.2024 Тываның Баштыңы чединмес өг-бүлелерниң бажыңнарында өрт медээчилерин хынаар даалганы берген

Тывада социал айыылдыг байдалда өг-бүлелерниң бажыңнарында өрт медээчилерин хынаары-биле рейдилерни чорудар. Республиканың Баштыңы Владислав Ховалыг бо даалганы чогуур ведомстволар болгаш албан черлериниң мурнунга салган.

06.11.2024 Национал төлевилел боттандырылгазы-биле Кызылда соок суг хандырылгазының станциязын ажыдып база алды километр узун хоорза шугумун ажыглалче киирген

Тываның Баштыңы Владислав Ховалыг Кызылдың мурнуу-чөөн талазында инженерлиг инфраструктура объектизи – соок суг хандырылгазының сордурулга станциязының болгаш алды километр узун хоорза шугумунуң ажыдыышкынынга киржип, «Чурттаар оран-сава болгаш хоорай хүрээлеңи» президентиниң национал төлевилелиниң күүселдези-биле ажыттынган чаа коммуналдыг объектиниң ажылынга үнелелди берген:

05.11.2024 Тываның найысылалында калчаа аарыынга удур карантин эгелээнден бээр 700 ажыг дириг амытаннарны тараан

Тываның найысылалы Кызыл хоорайда хамчык аарыгларынга удур албан специалистериниң рейдилери ээзи чок дириг амытаннарда аарыгны илередири-биле уламчылап турар.

05.11.2024 Тыва 2024 чылда чуртталга тудуун киирериниң хемчээлин ийи катап көвүдеткен

Тывада чуртталга тудуунуң хемчээли 2023 чылга деңнээрге 2024 чылда 2,1 катап улгадып, чыл төнчүзүнге чедир эң хөй – 365,1 дөрбелчин метр чедер.

05.11.2024 Тывага Чоннарның чаңгыс деминиң хүнүн улуг концерт-биле демдеглээн

Арат шөлүнге республиканың национал культураларының хөй янзызын көргүскен артистерниң болгаш бөлүктерниң киржилгези-биле Чоннуң чаңгыс деминиң хүнүн улуг байырлыг концерт-биле демдеглээн. 

04.11.2024 Анатолий Серышев сибирьжилерге Чоннуң чаңгыс деминиң хүнү-биле байыр чедирген
Россия Федерациязының Президентизиниң Сибирь федералдыг округта бүрүн эргелиг төлээзи Анатолий Серышев байыр чедириишкининде  Чоннуң чаңгыс деминиң хүнүнүң төөгүлүг болгаш сүлде-сүзүктүг ужур-утказы онза бедик дээрзин демдеглээн.

04.11.2024 Владимир Путин Чоннуң чаңгыс деминиң хүнү-биле Владислав Ховалыгга база Тываның чуртттакчыларынга байырын чедирген

Россия Федерациязының Президентизи Тываның Баштыңы Владислав Ховалыгга болгаш тыва чонга Чоннуң чаңгыс деминиң хүнүн таварыштыр байырын чедирген.

02.11.2024 Бүрүн эргелиг төлээниң оралакчызы Вадим Головконуң удуртулгазы-биле “Кадык камгалалы” национал төлевилелдиң Сибирьде боттаныышкынын сайгарып чугаалашкан

Сибирь федералдыг округтуң бүрүн эргелиг төлээзиниң оралакчызы Вадим Головконуң удуртулгазы-биле эрткен хуралда «Кадык камгалалы» национал төлевилелдиң регионнарда боттаныышкынын чугаалашкан. 

02.11.2024 Чоннуң чаңгыс деминиң хүнүнүң бүдүүзүнде күрүне шаңналдарын тывыскан

Бөгүн Тываның Чазак бажыңынга, Чоннуң чаңгыс деминиң хүнүнүң бүдүүзүнде, күш-ажылчы шылгараңгай чедиишкиннерлиг чаңгыс чер чурттугларывысты, аңгы-аңгы адырларның, корум-чурум камгалаар органнарның башкарыкчы специалистерин болгаш хоочуннарын, аңгы-аңгы язы-сөөк чоннарның болгаш салгалдарның төлээлеринге күрүне шаңналдарын тыпсыр езулал болуп эрткен.