Тываның Баштыңы Тыва Республиканың Үндезин Хоойлузунуң хүнү-биле республиканың чурттакчыларынга байырын чедирген

Тыва Республиканың амгы Конституциязы Тываның төөгүзүнде тоску Үндезин хоойлу. Ону референдумга бүгү чурттакчы чоннуң хөй-ниити деткиишкини-биле 2001 чылдың май 6-да хүлээп алган. Ол үндезин хоойлулар республиканың төөгүзүнге төөгүнү арттырган. Республиканың Баштыңы Владислав Ховалыг соцчеткилерде бодуну блогунга регионнуң чурттакчыларынга күрүне байырлалы-биле байырын чедирип, бөгүн Тыва Республианың Конституциязы 23 чылын демдеглеп турарын айыткан.

- 2001 чылдың май 6-да хүлээп алдынган республиканың амгы Конституциязы эрткен төөгүнүң арга-дуржулгазынга база чонувустуң мерген угаанынга даянып тургустунган. Ниитилел-политиктиг, социал болгаш экономиктиг хөгжүлдени ол баш бурунгаар көрүп, Тываның хөй национал хөөнүн ында быжыглаан. Үениң аайы-биле документиже киирген эдилгелер бистиң ниитилел хөгжүлдезиниң оруун айтып турар. 

Республикага Конституция хүнүнде уругларга болгаш аныяктарга өөредиг-билиишкинниг болгаш культурлуг хемчеглерни организастаан. Тыва Республиканың Дээди суду суд системазының төөгү музейнинге темалыг экскурсияларны майның дургузунда эрттирер. ТР-ниң Национал музейинге Тыва Республиканың Үндезин хоойлузунуң төөгүзүнүң дугайында темалыг лекцияларны сонуургап болур.