Тываның үндүрүг албаны орулга үндүрүүн база бухгалтер отчедунга үндүрүг декларациязын үе шаанда дужаарын сагындырып тур

Федералдыг үндүрүг албанының Тыва Республикада эргелели эрте берген чылда үндүрүг төлевириниң түңнели-биле орулга үндүрүүнге үндүрүг декларациязын бо чылдың марттың 25-ке чедир дужаарын сагындырып тур. 2023 чылдың 12 айында организацияның үндүрүүнге үндүрүг декларациязын 2024 чылдың марттың 25-ке чедир дужаар.

Үндүрүг төлекчилери оон аңгыда, отчеттуг чыл төнген соонда үш айдан орайтатпайн, чылдың бухгалтер отчедун үндүрүг органынче дужаары албан. 2024 чылдың март 31 дыштаныр хүн болганда, дараазында ажыл хүнү – 2024 чылдың апрель 1-де декларацияны дужаар сөөлгү хүнү ол болур.

Коммерциялыг болгаш коммерцияга хамаарышпас организациялар үндүрүг органынче КНД 0710099 хевирге бухгалтер отчедун, азы бөдүүнчүткен КНД 0710096 хевир-биле отчетту дужаар.

Бюджет албан черлериниң, автономнуг албан черлериниң дужаар бухгалтер отчеттарының хевирлери:
1. Күрүне (муниципалдыг) албан чериниң балансызы (ф. 0503730);
2. Албан чериниң саң-хөө-ажыл-агый ажыл-чорудулга планының күүселдезиниң дугайында отчет (ф. 0503737);
3. Албан чериниң саң-хөө ажыл-чорудулгазының түңнелиниң дугайында отчет (ф. 0503721);
4. Албан чериниң дебитор база кредитор өрезиниң талазы-биле медээ (ф. 0503769);
5. Албан чериниң арткан акша-хөреңгизиниң дугайында медээ (ф. 0503779).

Казна албан чериниң дужаар бухгалтер отчедунуң хевири дараазында чүүлдерден тургустунар:
1. Кол башкарыкчының, бюджет акша-хөреңги алыкчызының, кол администраторнуң, четпээн бюджетти акшаландырар дөстүң администраторунуң, кол администраторнуң, бюджеттиң орулгалар администраторунуң балансызы (ф. 0503130).

Федералдыг үндүрүг албанының Тыва Республикада эргелели орулгага үндүрүг талазы-биле үндүрүг декларациязын база бухгалтер отчедун хоойлуда доктааткан үеде дужааваан таварылгада, албан-дужаалдыг кижиге административтиг харыысалганы онаап, торгаал хемчеглерин санаарын сагындырган. Саң-хөө-ажыл-агый ажыл-чорудулгазын чорутпааны үндүрүг болгаш бухгалтер отчедун дужаарындан хоставас.