Тываның арга-арыг болгаш бойдус ажыглал яамызының удуртукчузун томуйлаан

Тыва Республиканың Баштыңы Владислав Ховалыг республиканың арга-арыг болгаш бойус ажыглалының сайыды албан-хүлээлгени күүседир кылдыр Вадим Кызыл-оолду томуйлаар дугайында чарлыкка атты салган. Ол республиканың арга-арыг ажыл-агыйынга база авиа арга-арыг камгалалының адырынга ажылдаан улуг арга-дургужулгалыг.

Уралдың арга-арыг-техниктиг институдунга «арга-арыг ажыл-агыйының инженери» мергежилди чедип алган. Москва облазының Пушкино хоорайга авиа арга-арыг камгалалының курстарын эрткен соонда, бирги класстың летчик-хайгааралы болган.
Красноярскиниң өрттерден арга-арыгны агаардан камгалаар баазада Кызылдың авиасалбырынга чээрби ажыг чыл ажылдаан. Десантник, парашютистчу-өртчү кылдыр ажылдап эгелээш, сөөлзүредир салбырның удуртукчу болган.

Республиканың арга-арыг ажыл-агыйының агентилелин, күрүнениң арга-арыг ажыл-агый комитедин удурткан.

Немелде профессионал өөредилгениң национал шинчилел институдунга эде белеткел курстарын эрткен соонда, 2015 чылдан эгелеп тренер ажылынче кирген. Уругларга спортчу-патриотчу клуб ажыдар инициативаны идип, аныяк салгал дээш сеткили аараан активчи, спорттуң улуг мөгейикчизи.

Чаа албан-дужаалга ажылдаар үш кол сорулганы салган: арга-арыг камгалалы болгаш хайгааралы, ону ажаапөөстүрүп база ажыктыг ажыглаары.