Тываның Баштыңы Владислав Ховалыг республиканы деткээн шиитпирлери дээш Федерация Чөвүлелинге четтиргенин илереткен

Дүүн Федерация чөвүлелинге, РФ-тиң саң-хөө сайыды Антон Германович Силуановтуң киржилгези-биле, 2024 чылда бюджет төлевилелиниң дугайында төлевилелдиң парламент дыңнаашкыннары болуп эрткен. Москва хоорайга бодунуң ажыл-агыйжы сургакчылаашкынын доозуп турган Тываның Баштыңы Владислав Ховалыг, Үстүкү палатаның спикери Валентина Ивановна Матвиенко сөзүнүң эгезинде регионалдыг эмнелгелер тудуунче бюджет акшаландырыышкынын көвүдеткенин айыткан деп, демдеглээн.

"Россияның Кадык камгалал яамызы-биле республиканың уруглар эмнелгезиниң чаа оран-савазын дөзевилээр ажылды кылып турар үеде, бистиң Тывага ол айтырыг чугула херек – деп, Владислав Ховалыг демдеглээн. - Валентина Ивановна Тывада демографтыг онзалап демдеглээн. Чаа школалар тудугларын тудуп доозар айтырыглар талазы-биле мээң дилээмге дыка дүрген харыылап, бистиң республиканы деткээнинге сеткилим ханызындан четтирдим".

«Уруглар эмчи дузазын көргүзериниң амгы үениң инфраструктуразын тургузар уруглар кадык камгалалын хөгжүдер» федералдыг төлевилел күүселдези--биле чыдар эмнелгелиг болгаш поликлиникалыг уругларның эмнелге комплекизин тудар. Россияның Кадык камгалал яамызы-биле дугуржулга езугаар, республиканың уруглар эмнелгези база чаштарның соматика салбырының чанынга, 150 оруннуг албан черин тудар. Объектиниң дөзевилелинге база тудуунга 1, 9 млрд рубль көрдүнген.

2024 чылдың төнчүзүнге чедир Тывага 11 чаа школаны тудар, оларның дөртү – Кызылда, Сукпак суурда, Вавилин ээтпээнде база Балгазында школалар бо чылын ажыглалче кирер. Тываның Баштыңы Владислав Ховалыг ол тудугларны бодунуң контролюнда алган. Бо өөредилге чылының үшкү улдуңунда өөредилге эгелеп, республиканың школаларынга 3000 олуттар немежир.

Тываның Баштыңы Владислав Ховалыг Федерация чөвүлелиниң бюджет талазы-биле ажылынга комментарий берип тура, социал-экономиктиг хөгжүлдениң бот-тускайлаң программалары бар регионнарның хереглелдерин албан арттырып, ылап анализти кылыры чугула деп Валентина Матвиенконуң онзалап айытканын демдеглээн. Тываның Баштыңы бистиң республикага ИПСЭР-ни узадыр дугайында саналды эрткен чылын сенаторлар мурнунга кииргенин сагындыраал. Эрткен ийи чылда Тываның хууда орулгалары өскенин демдеглээш, бүрүн хандырылгалыг бюджетче киреринге чедир ам-даа чедишпес деп айыткан. Ооң бодалы-биле алырга, социал-экономиктиг хөгжүлдениң бот-тускайлаң программаларын ам-даа беш чылда узадыптар болза, республика бодунуң орулгаларын көвүдедип, регионнарның деңге хөгжүп сайзыраарынга, хамаатыларның чаагай чоруунга дең байдалдарны хандырыптар апаар.

"Тывага ындыг программа херек, ону уламчылап ажылдаарынга белен болгаш РФ-тиң Экономиктиг сайзырал яамызындан деткимчеге идегеп турар бис" - деп, Владислав Ховалыг ооң мурнунда-ла демдеглээн.