Тываның чурттакчыларын регионнуң чедиишкиннери дээш бадылаарынче кыйгырган

Амгы Россияның аңгы-аңгы адырларында төлептиг көргүзүглер кирген «Достижения.рф» порталда республиканың көскү чедиишкиннери дээш үнүңерни берип болур силер. Владимир Путинниң даалгазы езугаар 2023 чылдың ноябрьда Москвада ВДНХ-га ажыттынар “Россия” делгелгени белеткээри-биле төлевилелди боттандырып турар. Бодунуң чуртунуң эртем, технологтуг база культурлуг күчү-шыдалын кижи бүрүзүге таныштырар арганы бээри – төлевилелдиң сорулгазы .
Төлевилелдиң https://достижения.рф/achievements/region сайтызынче киргеш, регионнар аразындан Тываны тыпкаш, таарзынган объектиңерни шилип, бадылаашкынга киржип болур. Сайтыга бадылаарында кызыгаарлаашкын чок: чурттуң кайы-даа субъектизинде чедиишкиннер дээш, каш-даа үннү берип болур.
Тыва Республика порталда культураның эң ховар объектилерин болгаш хемчеглерин киирген. Скиф үезиниң артефактыларның кайгамчык эртинелери – скиф уран чүүлүнүң ховар эдилелдери, алдын каасталгалар, ок-чепсек, эдилелдериниң байлак коллекциязын тыныштырган “Тыва скиф үезинде. Хааннар шынаазының эртинези” экспозиция - регионнуң улуг чоргааралы. Бо чазын Россияда эң улуг “Тубтен Шедруб Линг” шажын хүрээзиниң республикада ажыттынганы – сөөлгү үениң эң улуг ужур-уткалыг болуушкуну. Тываның культура-экономиктиг ылгавыр демдээ апарган хөөмейивис – республиканың ховар дээн эртинези. Сөөлгү он чылдарда тыва хөөмей бүгү делегейден эртемденнерниң, хөгжүмчүлериниң база мөгейикчилерниң кичээнгейнин хаара тудуп турар кайгамчык күштүг.
Бадылаашкынның түңнели-биле регионнарның чедиишкиннер рейтингизи тургустунар. Эң-не хөй үн алган объектилер порталдың эге арнын каастаар.