Олег Лукин – Тываның Чазааның даргазының оралакчызы

16.08.2023 Тыва Республиканың баштыңы Владислав Ховалыгның бөгүнгү чарлыы-биле, Тываның Чазааның даргазының оралакчызының албан-хүлээлгезин күүседир кылдыр Сибирь регионнарының энергетика, тудуг болгаш коммунал ажыл-агый адырында арга-дуржулгалыг удуртукчу, 53 харлыг Олег Николаевич Лукинни томуйлаан.
Олег Лукин Омскиниң демир-орук транспортунуң инженерлер институдун, ол ышкаш Россия Федерациязының Чазааның чанында Саң-хөө академиязын дооскан. Күш-ажылчы ниити стажы - 35 чыл, ооң 16 чылында удуртукчу албан-дужаалдарга ажылдаан.
Омскиниң энергия садып-саарар компаниязынга коммерция директорунга оралакчылааны, "Омскэнерго"-нуң чиңгине директорунга оралакчылааны, "Тываэнерго"-га чиңгине директорлааны - ооң күш-ажылчы намдарында. Олег Лукин "МРСК Сибири" компанияның чиңгине директорунуң оралакчызы, "МРСК Сибири" компанияның "Красноярскэнерго" филиалының директору, "Красноярскиниң регионалдыг энергетика компаниязының" чиңгине директорунуң оралакчызы, Красноярск крайның "Коммуналдыг комплексти хөгжүдер төптүң" директорунуң бирги орлакчызы болуп ажылдаан.
Ол ажылдап турганы бүдүрүлгелеринге электроэнергия садып-саарылгазы болгаш хереглелинде, чырык энергиязының рыногунда база төлевилел институттарының киржикчилери-биле кады ажылдажылга, энергетиканың чаа объектилерин тударын организастаарының, кризиске удур программаларны боттандырарының айтырыглары-биле ажылдап турган.