Кадык камгалалы» нацио­нал төлевилелдиң ачызында Эрзин кожууннуң төп эмнелгезинде чаа дериг-херексел келген

«Кадык камгалалы» нацио­нал төлевилелдиң бирги звенозунуң чаартылгазының программазы ёзугаар Эрзин кожууннуң төп эмнелгезинде 1700000 рубль өртектиг Clima MC-15 маркалыг чаа биохимиктиг анализатор келген. Ол дугайын ТР-ниң Кадык камгалал яамызы дыңнаткан.

Абсорбация болгаш имуннотурбидиметрия деп методтар-биле биохимия анализтерин калбаа-биле чорударынга таарымчалыг сканерлиг автоматчыткан анализаторну эмнелгеде тургускан. Ол дээрге клиника-диагностиктиг лабораторияның ажылын бүрүнү-биле хандырыптар шынарлыг аналитиктиг система.

Лабораторияның фельдшер-лаборантызы Аида Маа-­Хөөнүң чугаалап турары-биле алырга, чаа дериг-херексел тес­тилерниң харыыларын бедик шынарга көргүзүптер.

«Чаа анализатор хары угда 14 хыналданы эртириптер. Ооң ачызында анализтер алыры дүрген апарган. Аппаратты ажыглаарга, эптиг-даа, бөдүүн-даа» — деп, ол демдеглээн.

Ол ышкаш регионнуң кадык камгалал яамызының демдеглеп турары-биле алырга, Эрзинниң төп эмнелгезиниң лабораториязы чылдың-на 36787 биохимия шинчилелдерин чорудуп турар.

Национал төлевилелдер ачызында республиканың эмнелгелерин чаа дериг-херекселдер-биле чүмнеп турары кончуг эки.