«Тыва - бистиң өргээвис» республиканың улусчу чогаадылга мөөрейиниң түңнелдерин үндүрген

Тываның кожуун, сумуларындан бот-тывынгыр артистер киришкен «Тыва - бистиң өргээвис» республиканың улусчу чогаадылга фестивалы солун, хөй талалыг көргүзүглүг болгаш үениң агымы-биле деңге сайзырап турарын көргүскен. Республиканың шупту муниципалитеттеринден бот-тывынгыр артистер Кызылдың Арбат шөлүнге оюн-көргүзүүн бараалгадып, хөй чонну хаара туткан.
Чөөн-Хемчик кожууннуң Бажың-Алаак сумузунда Адалар чөвүлелиниң «Ада-өгбе сүлде-тугун, салгалдарже дамчыдаалы» деп концерт программазы Тывада Чоннуң чаңгыс эп-сеткилиниң чылынга, Алдан-маадырларның тура халыышкынының 140 чылынга база тускай шериг операциязының киржикчилерин деткээн улусчу чогаадылганың республика фестиваль-мөөрейиниң эң-не тулган коллективи кылдыр шылгарап үнген.
Тыва Республиканың Чазааның даргазының оралакчызы Орлан Сарыглар, Тываның культура сайыды Виктор Чигжит тиилекчи коллективке Гран-При шаңналының дипломун, фестивальдың кубогун болгаш 500 муң рубльдиң акша шаңналының сертификадын тывыскан.
Фестивальдың түңнелдери-биле дараазында коллективтер шылгарап үнген.
I чергениң лауреады атты –Улуг-Хем кожууннуң Шагаан-Арыгның 2 дугаар школазы;
II чергениң лауреады – Мөңгүн-Тайга кожууннуң Мугур-Аксының 2 дугаар школазы биле Хамнаарак аттыг 5 дугаар уруглар садының каттышкан чогаадыкчы коллективи;
III чергениң лауреады – Сүт-Хөл кожууннуң Бора-Тайга сумузу чаалап алган.
I чергениң дипломантызы атты –Таңды кожууннуң Дүрген сумузу;
II чергениң дипломантызы и – Эрзин кожууннуң Эрзин сумузу;
III чергениң дипломантызы – Өвүр кожууннуң Дус-Даг сумузу алган.