Тываның школалары тозан муң хире чаа номну алыр

2023-2024 өөредилге чылында Тываның өөредилге албан черлериниң ном саңының фондузу 55 сая ажыг рубльге саткан чаа өөредилге номнары-биле (89040 кезек) четчелеттинер.

Амгы үеде «Чырыдыышкын» ном үндүрер черден бирги болгаш бешки класстарга чаа федералдыг күрүнениң өөредилге стандарттары-биле чаартынган кол эртемнерниң 44 муң санныг (14 тонна) ному келген. Чагыгның арткан кезээ келирге, апрель 10-га чедир республиканың 162 школазынга номнарны хуваар.

Республиканың өөредилге албан черлеринде номнар фондузун чаартып тура, кадыкшылының байдалы-биле арга-шинээ уругларга чаа номнарны база чагыттырган.

Чыл санында өөреникчилер саны көвүдеп турарындан өөредилге номнарынга хереглел улгаткан, ынчангаш ТР-ниң Өөредилге яамызы чаа өөредилге чылынга белеткел үезинде школаларның номнар-биле хандыртынганын шыңгыы хыналдага алган.