Азербайджан диаспораның удуртукчузу Чингиз Алиев: Айыткалда шупту назы-харның кижилерин кадык амыдыралче кыйгырып турар

Тывада азербайджан диаспораның удуртукчузу Чингиз Алиев Айыткалда республика спартакиадазын эрттирер дугайында пунктуну өөрүшкү-биле хүлээп алган:
«Тываның Баштыңы бодунуң Айыткалында регионнуң мурнунда келир чылдың дургузунда шиитпирлээр ужурлуг сорулгаларны болгаш айтырыгларны демдеглээн. Спорт ажылдакчызы кижи болгаш, бир дугаарында, республиканың шупту чурттакчылыг черлериниң чонунга, уруглардан эгелээш пенсионерлерге чедир, республика спартакиадазын эрттирер дээн даалганы демдеглеп алдым. Чоннуң кадыкшылы дээш тура-соруун деткип, спортка, амыдыралдың кадык овур-хевиринче сонуургалды оттурар херек».