Бүгү-российжи халас юридиктиг дуза хүнүнге Тыва база каттышкан

29.09.2022 Сентябрь 30-де бүгү Россияда халас юридиктиг дуза көргүзериниң хүнүн демдеглеп эрттирер. Россияның Юристер ассоциациязының база «Чаңгыс демниг Россия» партиязының даргазы Д.А. Медведевтиң регионнуң Хөй-ниити хүлээп алыышкынында Кижиниң эргелериниң талазы-биле бүрүн эргелиг төлээ чериниң юристери ол хүн Тывага халас юридиктиг дузаны көргүзери-биле хамаатыларны хүлээп алыр.
Күүсекчи болгаш хоойлужудулга эрге-чагырга органнарының, адвокатура база нотариаттарның консультант-юристерин хамаатылар хүлээп алыышкынынче хаара тудар.
Республиканың кожууннарында тус чер Төлээлекчилер хуралында хамаатыларны хүлээп, юридиктиг дузаны көргүзер.
«Чаңгыс демниг Россия» партиязының даргазы Д.А. Медведевтиң Хөй-ниити хүлээп алыр чери дараазында адресте: Кызыл хоорай, Ленин кудумчузу, 32, Тыва Республиканың Дээди Хуралында №122 кабинетке чонну хүлээр. Хүлээп алыышкынче кирерде бо телефон: (3-394-22) 3-38-31 азы op@tyva.er.ru электроннуг почта таварыштыр бижидип алыр.