РФ-тиң Чазаа Иркутскыдан Кызылче субсидиялыг рейстерни бадылаан

12.09.2022 Россия Федерациязының Транспорт яамызы-биле регионнуң Орук-транспорт яамызының аразында дугуржулга езугаар, «ИрАэро» авиакомпания сентябрьның 13-тен эгелеп «Иркутск – Кызыл – Иркутск» маршруттуг субсидиялыг рейстерни катап ужудуп эгелээр. Авиабилеттерни садып турар.
РФ-тиң Чазааның № 1242 доктаалынга даянгаш, хамаатыларның шупту бөлүктери чиигелделиг билеттерни садып ап болур. Чаңгыс талаже билеттиң өртээ 4190 рубль болурун авиакомпания дыңнаткан. Рейстер ол-ла хүн дедир ужуп үнер.
«Суперджет-100» самолеттар неделяның вторник база четверг хүннеринде ийи катап ужудар.
Тываның Орук-транспорт яамызының дыңнатканы-биле алырга, чиигелделиг билеттерни бо чылдың төнчүзүнге чедир садар. «Иркутск – Кызыл – Иркутск» маршруттуг ужудуушкуннарның расписаниезин авиакомпанияның сайтызындан - https://iraero.ru/ көрүп болур.