Тываның Баштыңы истелге органнарының ажылдакчыларынга профессионал байырлалы-биле байырны чедирген

26.07.2022 Дүүн, РФ-тиң Истелге комитединиң Тыва Республикада Истелге эргелелинге профессионал байырлалынга тураскааткан байырлыг хурал болуп эрткен. Тываның Чазааның Даргазының оралакчызы Тимур Куулар регион Баштыңының адындан эргелелдиң удуртулгазынга болгаш ажылдакчыларынга профессионал байырлалы-биле байырны чедирген. Тимур Куулар ол ышкаш шылгараан ажылдакчыларга регион баштыңының адындан күрүне шаңналдарын база тывыскан.
РФ-тиң Истелге комитединиң Тыва Республикада Истелге эргелелиниң криминалистика килдизиниң улуг криминалист истекчизи, юстицияның подполковниги Карэн Кок-оолович Оюнга кончуг эки албан хүлээлгези дээш Тыва Республиканың Баштыңының Өөрүп четтириишкин бижиин тудускан.
Тыва Республиканың Баштыңының Хүндүлел бижии-биле төлептиг ажыл албаны дээш, РФ-тиң Истелге комитединиң Тыва Республикада Истелге эргелелиниң саң-хөө-экономиктиг хандырылга талазы-биле удуртукчузунуң улуг дузалыкчызы Жанна Чымчак-ооловна Домур-оолду шаңнаан.