Тываның активчилери Экологтуң хүнүнде субботникти организастаан

05.06.2022 Бүгү Россияда Экологтуң хүнүнде «Тываның энерелдиг чүректери “ аныяктар шимчээшкининиң активчилери Тываның көдээ ажыл-агый болгаш политиехниктиг техникумнарының студентилери-биле кады найысылалдың аргы-силиин тудуп, арыглаашкын ажылдарын организастаан. Ниитизи-биле 80 шоодай бокту чыып, ону чүдүргеннер.
“Тываның энерелдиг чүректери шимчээшкинниң ажылының бир кол угланыышкынынга бойдус камгалалы хамааржыр. Ынчангаш хоорайывыс кезээде арыг-силиг, аян-шинчилиг болзун дээш, арыглаашкын, чаагайжыдылга, ногаажыдылга акцияларынга идепкейлиг киржип турар бис. Мындыг хевирлиг акциялар удаа-дараа эртип турараны күзээр-дир бис. Субботник дээрге, чүгле аштап-арыглаашкын хемчээ эвес, а төрээн черивистиң бойдус хүрээлелин, ооң бай-байлаан камгалаары чугула деп чүүлдү кижилерге угаадыры ол деп санаар мен” – деп, республиканың аныяктар шимчээшкининиң удуртукчузу Артыш Монгуш чугаалаан.
Июнь 5-те бойдус камгалаар адырның специалистери, күрүнениң база хөй-ниитиниң экология албан черлериниң ажылдакчылары профессионал байырлалын демдеглеп турарын сагындыраалыңар.

“Тываның энерелдиг чүректери” аныяктар шимчээшкиниң медээзи-биле

ДобрыесердцаТувы#МинистерствоЭкологииРТ#ПравительствоТувы#ТываЧазак#ДеньЭколога#новоститывы #новостикызыл #кызыл #тувамедиагрупп #Тува #Тыва #Tuva #TMG #TMGNEWS #Tuvanews