Тываның Баштыңы Украинага мөчээн оолдарның чоок кижилеринге кажыыдалын илереткен

11.05.2022 Украинага тускай шериг операциязының үезинде ам база ийи оглувус мөчээнин Тываның Баштыңы Владислав Ховалыг ханы кажыыдал-биле дыңнаткан.
“Украинага ам база ийи чаңгыс чер-чурттугларывыс амы-тынындан чарылганын аарышкы-биле бижип, дыңнадып тур мен. Пулемлетчу кезектиң шыгаакчызы, дайынчы Чымбал-оол Алдын-Херел Анатольевич база мото-адыгжы кезээниң чолаачызы, дайынчы Кужугет Белек Викторович боттарының дайынчы хүлээлгезин күүседип тура, маадырлыы-биле мөчээннер. Ада-чурту дээш амы-тынын бээри дег маадырлыг чорук чок!
Эрес-дидим оолдарның төрээн болгаш чоок кижилеринге ханы кажыыдалымны илереттим.
Мөчээн оолдарның өг-бүлелеринге бүгү талалыг дузаны көргүзер.