Тываның кудумчулары болгаш школаларынга Донбасстың хостакчы маадырларының адын тыпсыр

09.05.2022 Тываның баштыңы Россияның Мадырлары - гвардияның полковниги Владимир Жога, Донецк Улус Республиканың Маадыры, генерал-майор Александр Захарченконуң, ол ышкаш Украинага тускай шериг операция үезинде маадырлыы-биле мөчээн бистиң чаңгыс чер-чурттугларывыс Арсен Чульдум, Экер Оюн база Виктор Оюн оларның аттарын мөңгежидер шиитпирни хүлээп алганын Улуг Тиилелгениң 77 чылынга турскааткан байырлыг концертте дыңнаткан.
Шиитпирни чогуур черлер деткээн, удавас регионнуң муниципалдыг эрге-чагыргазы ону боттандырып эгелээрин губернатор айыткан.
Кызыл хоорайның Спутник микрорайонунда чаа чуртталга комплекизинде кудумчуну Волновахадан тайбың чурттакчыларны үндүр көжүржүп тура маадырлыы мөчээн Россияның Маадыры, “Спарта” аңгы хайгыыл батальонунуң командири Владимир Артемович Жоганың ады-биле адаар.
Донецк Улус Республиканың тергиин баштыңы база Маадыры, генерал-майор Александр Владимирович Захарченконуң ады Донбасста маадырлыг хөделииишкиннер-биле сырый холбаалыг, ооң адын Кызыл хоорайның Вавилин ээтпээнде чаа тудугларда кудумчуга тыпсыр.
Маадырлыы-биле чок болган дайынчы Арсен Чульдумнуң адын Хову-Аксы суурда чаа кудумчу эдилээр.
Таңды кожууннуң Кочетов суурда школага улуг лейтенант, школаның доозукчузу Экер Оюннуң адын тыпсыр болза, ол-ла суурда бир кудумчуну сержант Виктор Оюннуң ады-биле адаар.
Регионнуң эрге-чагыргазы амгы маадырларывыстың ады чон ортузунга мөңге тураскаал бооп артар кылдыр бүгү-ле чүүлдерни кылырын Владислав Ховалыг дыңнаткан.