Долгармаа Сааяның Эрмитаж көрүксээн күзели боттанган
06.04.2022
Тываның Баштыңы Владислав Ховалыг Чаа чыл бүдүүзүнде, «Күзелдерниң шивижизи» бүгү-российжи ачы-буян акциязының үезинде, Кызыл хоорайдан 14 харлыг Саая Долгармааның Санкт-Петербургда Эрмитажны көрүксээн күзелдиг чагаазын тырттып алгаш, ону боттандырар сертификатты белекке берген турган.
Часкы дыштанылга хонуктарында Долгармаа культура болгаш төөгүнүң, эртемниң болгаш депшилгениң төвү болур Санкт-Петербург хоорайда чеде бергенин бадыткаан чуруктары Тываның Баштыңының социал четкилерде арыннарынга көстүп келген.
Тываның баштыңы В. Ховалыг ооң дугайында мынчаар бижээн:
«Санкт-Петербургда авазы-биле дыштанып турар Долгармаадан чуруктарны алдым. Ооң Эрмитажты көрүксээн улуг күзели боттанганынга кады өөрүп тур мен. Бистиң чуртувустуң кайгамчык культуразының төвү болур Санкт-Пебербург хоорайга мага хандыр дыштанып алырын, чаа солун, уттундурбас ужуралдарны күзедим» - деп, Владислав Ховалыг бижээн.
Возврат к списку
|