Тыва база бир оглун тускай операция үезинде чидирген

17.03.2022 Украинага тускай шериг операциязының үезинде Роман Денисович Шляков маадырлыы-биле мөчээн. Тываның Баштыңы Владислав Ховалыг бодунуң телеграм-каналында ооң дугайында дыңнаткан. «Эрес-дидим чорук ордени» Россия Федерациязының күрүне шаңналы-биле Роман Денисовичини мөчээниниң соонда шаңнаар кылдыр кииргенин демдеглээн.

«Ада-иезиниң, төрээн болгаш чоок кижилериниң ханы кажыыдалын үлежип тур мен. Ада-чурту дээш, тайбың дээр адаанга ажылдап, чурттаар эрге дээш амы-тынын берген езулуг патриот, бистиң чаңгыс чер-чурттуувус дугайында чырык сактыышкын Тываның чурттакчыларының чүректеринге кезээде артар. Маадырлыг оглувуска мөгейдим. Мөңге алдар» - деп, В. Ховалыг бижээн.
Мөчээн солдаттың өг-бүлезинге деткимче дузаны көргүзер.