Тываның эртем талазы-биле агентилелиниң директорунда Алена Стороженко томуйлаткан

10.12.2021 Тыва Республиканың Эртем талазы-биле агентилелдиң директорунга Алена Александровна Стороженкону томуйлаар дугайында чарлыкка атты 2021 чылдың декабрь 9-та салган.
Ол Шагаан-Арыг хоорайга төрүттүнген, Тываның күрүне университединге 20 ажыг чыл ажылдаан, төөгү эртемнериниң кандидады, доцент. 1997 чылда Тываның күрүне университединиң “төөгү башкызы” мергежилди кызыл диплом-биле дооскан. 1998 чылда Тываның күрүне университединиң аспирантуразынче киргеш, “Ада-чурттуң төөгүзү” мергежилди чедип алган.  Төөгү эртемнериниң доктору, профессор Зоя Доржунуң удуртулгазы-биле, В.П. Астафьев аттыг Красноярскиниң күрүнениң педагогика университединге «XIX чүс чылдың ийиги чартыында - XX чүс чылдың бирги кезээнде Тывада эрги орус чүдүлге» темага кандитаттың эртем ажылын 2004 чылда  чедиишкинниг камгалаан.
50 ажыг эртем парлалгаларының автору, Россияның гуманитарлыг эртем фондузунуң (РГНФ) база Россияның тускай шинчилелдер фондузунуң РФФИ) деткээни грантылар-биле, Тывада база Енисей Сибиринде эрги орус чүдүлгениң төөгүзүн болгаш культуразын шинчилээн элээн каш эртем төлевилелдериниң инициатору болгаш удуртукчузу.
Новосибирск, Томск, Красноярск, Москва, Санкт-Петербург, Одесса, Тартунуң академиктиг, эртем албан черлериниң төлээлери-биле сырый кады ажылдап, делегей грантыларын күүседип чоруур.
Алена Стороженконуң эртем ажыл-чорудулгазын Тыва Республиканың Дээди Хуралының (парламент) Хүндүлел бижии-биле үнелээн.