РФ-тиң өөредилгезиниң хүндүлүг ажылдакчызы Елена Хардикова - Чазак даргазының социал политика талазы-биле оралакчызы

18.10.2021 Неделяның аппарат хуралында, Тываның Баштыңы Владислав Ховалыг чазактың чаа кежигүннерин таныштырып, чазактың тургузуу ам-даа хевирлеттинип турарын дыңнаткан.
Тыва Республиканың Чазааның даргазының социал политика харыылар оралакчызында Елена Хардикованы томуйлаанын таныштырган. Ол социал адырны – кадык камгалал, өөредилге, күш-ажыл болгаш социал политика яамыларының, эртем болгаш аныяктар херектериниң талазы агентилелдиң ажыл-чорудулгазын уштап-баштаар.
Хардикова Елена Викторовна республиканың социал адырынга ажылдаан улуг арга-дуржулгалыг. Орус дыл болгаш литература башкылаашкынынга, Кызылдың 11, 12 дугаар школаларының директорнуң кижизидилге талазы-биле оралакчызы, Тыва Республиканың өөредилге сайыдының оралакчызы – орус дыл талазы-биле күрүне инспектору, РФ-тиң Камгалал яамызының “Сказка” №74/106 уруглар сады” ФКА кижизидилге болгаш методиктиг ажыл талазы-биле эргелекчиниң оралакчызынга дээш, өөредилге шугумунга ниитизи-биле 26 чыл ажылдаан. “Россия Федерациязының өөредилгезиниң хүндүлүг ажылдакчызы” аттың эдилекчизи.