Тыва Республикада октябрь 5-тиң хүнүнде коронавирус талазы-биле эпидбайдал

05.10.2021 Октябрь 5-тиң байдалы-биле, эрткен хонукта 59 аарыг кижи илереттинген: 23 – эр, 36 –херээжен чон. Хар-назы аайы-биле көөр болза, 17 харга чедир – 14, 18-49 хар аразында 25, 50 хардан 64 хар аразында 13, 65 хардан өрү назылыг 7 кижи. Кызыл хоорайда – 22, Ак-Довуракта – 1, Бай-Тайга кожуунда – 1, Барыын-Хемчикте – 1, Чөөн-Хемчикте – 5,Кызыл кожуунда – 11, Сүт-Хөлде - 1,Таңдыда – 12, Тес-Хемде – 3, Эрзинде – 1, өске черден келген -1 кижи.
Эрткен хонукта 16 кижини эмнелгелерде чыттырган. Кызылда 306 кижи эмнелгелерде чыдып эмнедип турар. Оларның 276-зында аарыгны лаборатория бадыткаан. Аарыг кижилерниң 31-и бичии уруглар, 18-зи иштиг херээженнер. 66 кижиниң байдалы аар, аарыының байдалы ортумак 240 кижи бар. 18 кижи аппарат дузазы-биле тынып чыдар. Дегдирген 20 кижи амбулаторлуг эмнээшкинде. Шак-ла ынчаар аараан 238 кижи – стационарда. Эмнелгелерде белеткээн 450 оруннуң 32 хуузу хостуг.
Саll-төптерже эрткен хонукта 696 кыйгыртыышкын кирген. Кадык камгалал яамызының лабораторияларынга 358 ПЦР шинчилелди кылган. Covid-19-ка дужааган 223 анализтиң харыызын смс-тер-биле тарадып, дыңнаткан.
2021 чылдың эгезинден октябрь 5-ке чедир 220 кижи хамчыктыг аарыгның хайындан элекке амы-тынындан чарлып чоруткан. Бо аарыгның кырындан сезоннуг грипп, ОРВИ аарыглары база өөскүп турар. Боттуң кадыы дээш харыысалгалыг болуп, камгалал тарылгаларны эртип алыры кажан-даа артык эвес.
165720 санныг чурттакчы чоннуң 80 хуузу чаа коронавируска удур тарылганы алыр ужурлуг. 109185 кижи бирги тарыышкынны , а долу курсту 83945 кижи алган.