Тывада 12 уруглар сады база 31 школа бот-аңгылаашкында

21.09.2021 Уруглар садтарының 16 чаштары, 100 школачы база ортумак тускай өөредилге черлериниң 3 сургуулу коронавирус халдарывындан аарып турар. Өөредилге черлериниң 17 ажылдакчызы база халдавырны чыпшырган. Тываның Өөредилге яамызы сентябрь 17 хүнүнүң шак ындыг медээзин дыңнаткан.
Ак-Довурак база Кызыл хоорайларның, Барыын-Хемчик, Кызыл, Таңды, Чаа-Хөл, Мөңгүн-Тайга, Чөөн-Хемчик кожууннарның уруглар садтарының 13 бөлүүнде 16 уруг аарааны-биле, 252 кижини бот-тускайлаашкынче чоруткан.
Школаларда шупту 69 330 өөреникчиден 100 кижи аараан, азы 0,14 хуу. Кызыл, Ак-Довурак хоорайларда, Чөөн-Хемчик, Мөңгүн-Тайга, Өвүр, Таңды, Улуг-Хем, Чаа-Хөл, Чеди-Хөл, Тес-Хем, Бии-Хем база Барыын-Хемчик кожууннарда 31 школада 1700 өөреникчилиг 71 класс-комплектини чаңгыскласчылары аараанындан ырактан өөренир хевирже шилчиткен.
Ортумак тускай өөредилге черлериниң 29 сургуулун аңгылаан-даа болза, өөредилгезин уламчылап турар.