Тываның Баштыңының албан-хүлээлгезин күүседип турар Владислав Ховалыг саң-хөө ажылдакчыларынга профессионал байырлалы-биле байыр чедирген

08.09.2021 Бөгүн саң-хөө ажылдакчылары боттарының профессионал байырлалын демдеглеп турарлар. Бистиң республикада бухгалтер-экономиктиг база саң-хөө органнарында 1600 ажыг, а банк организацияларында 694 кижи хаара туттунган. Республиканың саң-хөө яамызында 53 специалист бөгүнде ажылдап турар. Олар шупту регионнуң саң-хөө политиказын чорудаынга өзек рольду ойнап турарлар. Тываның Баштыңының албан-хүлээлгезин күүседип турар Владислав Ховалыг саң-хөө адырының төлээлеринге профессионал байырлалы-биле байырны чедирген.
- Саң-хөөчүнүң хүнү – профессионал байырлалыңар-биле, саң-хөө адырының хүндүлүг хоочуннары болгаш ажылдакчылары!
Саң-хөөчүлер күрүне албан черлеринде, күрүне компанияларында база бизнесте кол специалистер болуп турар. Кандыг-даа ажыл-херектиң чайынналчак чедиишкиннери шын хүлээп алдынган саң-хөө стратегиязындан, билдилиг планнаашкындан, саң-хөө курлавырларының хуваалдазындан, чарыгдалдарның үре-түңнелдииниң сайгарылгазындан база оларны эвээжедириниң оруктарын дилээринден онза хамааржыр. Силерниң профессияңар - бөдүүн кижиниң дугайында база республиканың бар курлавырларының айтырыгларын чүгле шиитпирлээри эвес, а өзүлдени база чедип алырының дугайында сагыш човаашкын-дыр.
Силерниң ажыл-ижиңер кезээде бөдүүн хамаатыларның амыдыралының чаагай чоруун бедидеринче угланыр болзун!