Тывада 26 хөй-ниити девискээрлерин 2022 чылда чаагайжыдар

24.08.2021 “Таарымчалыг хоорай хүрээлелин хевирлээри” федералдыг төлевилелдиң "17.gorodsreda.ru" чаңгыс федералдыг платформазынга эрттирген онлайн рейтингилиг бадылаашкынның түңнели-биле, Тывада 19 муниципалдыг тургузугда 26 хөй-ниити девискээрлерин чаагайжыдар. Ол платформага республиканың 34 муң хире чурттакчызы бадылаан.
Тываның Тудуг яамызы эң хөй үннер алган 26 хөй-ниити девискээрлериниң даңзызын парлаан:
1) Кызыл хоорайда «Дөгээ» дааның эдээнде девискээрни чаагайжыдары;
2) Кызыл хоорайда "Мурнуу парк" девискээрин чаагайжыдары;
3) Кызыл хоорайда Московская кудумчузунда (Калинин кудумчузундан Ангара бульварынга чедир) сесерликти чаагайжыдары;
4) Ак-Довурак хоорайда Центральная кудумчузунда 1 дугаар школаның чанында шөлдү чаагайжыдары;
5) Шуй суурда паркты чаагайжыдары;
6) Эрги-Барлык суурда клуб артында дыштанылга зоназын тудары;
7) Чыраа-Бажы суурда дыштанылга зоназын тудары;
8) Ильинка суурга Аныяктар сесерлиин чаагайжыдары;
9) Баян-Кол суурга спортчу-ойнаар шөлдү тургузары;
10) Сукпак суурга спортчу-ойнаар шөлдү тургузары;
11) Мугур-Аксы суурда Аэропорт кудумчузунга универсалдыг спортчу-ойнаар шөлдү тургузары;
12) Хандагайты суурда Аныяктар шөлүнде “Мани хүртү” девискээрин чаагайжыдары;
13) Туран хоорайда Төп парктың кол шөлүн чаагайжыдары;
14) Туран хоорайда Марк Оюн аттыг Культура бажыңының чоок-кавы девискээрин база билдинмес солдатка тураскаалдың шөлүн чаагайжыдары;
15) Туран хоорайда В.И. Ленин аттыг шөлдү чаагайжыдары;
16) Алдан-Маадыр суурда Дажы-Намчал кудумчузунда Хамаарышпас чоруктуң шөлүн чаагайжыдары;
17) Балгазын суурда Советская кудумчузунда хөй-ниити девискээрин чаагайжыдары;
18) Берт-Даг суурда Ленин шөлүн чаагайжыдары;
19) Кунгуртуг суурда Заречная кудумчузунга уругларга универсалдыг спортчу-ойнаар шөлдү тургузары;
20) Адыр-Кежиг суурда уруглар ойнаар шөлдү чаагайжыдары;
21) Ий суурда сесерликти чаагайжыдары;
22) Шагаан-Арыгда Паркты чаагайжыдары;
23) Арыг-Узүү суурда Кочетов кудумчузунда сесерликти чаагайжыдары;
24) Чаа-Хөл суурда Новая кудумчузунга универсалдыг спортчу-ойнаар шөлдү тургузары;
25) Ак-Тал суурнуң Октябрьская кудумчузунга, чаңгыс чер-чурттуглары – эки турачыларга тураскаалды тургузары;
26) Эрзин суурнуң Дружба кудумчузунда уруглар ойнаар шөлдү тудары.
Үстүнде адаттынган хөй-ниити черлерин 2022 чылда чаагайжыдарынче 87 млн рубльди тускайлаанын Тудуг яамызы дыңнаткан.