Август 22-де «Шериг ралли» маргылдаазының делегей чергелиг чадазы Тывага эгелээр

09.08.2021 Август 22 - 29 хүннеринде Тывага эртер “Шериг ралли” армейжи бүгү-делегей оюннарының (АрМИ-2021) делегей маргылдаазынга киржири-биле, Кыдаттың Улустуң  хостакчы армиязының командазы демир-оруктап “Абакан” станцияда чедип келген.
Кыдат шериглер маргылдаада сес санныг техниканы – 6х6 дугуйлуг автомобильдер-биле бир кывар-чаар чүүл кудукчузун эккелген. "Абакан" станциязынга дүжүрттүнгеш, Төп шериг округунуң Тыва Республикада бактааттынган шериг кезээнге чедир 40 ажыг километр орукту олар эрткен. ТШО ШАИ ажылдакчылары машиналар чоруп олурда, ооң айыыл чок чоруун хандырган.
«Шериг ралли» шериг оюннарының делегей маргылдаазынга Россия, Кыдат, Сербия, Белоруссия, Израиль, Узбекистан база Моолдан шериглер киржир.