Тывада 35 көдээ фельдшер-акушер пунктуларын 2021 чылда интернет четкизинге кожар

05.08.2021 “Кадык камгалалы” национал төлевилелдиң “Кадык камгалалының чаңгыс аай күрүнениң информастыг ситемазынга кадык камгалалында чурагайлыг чаңгыс шөлдү тургузары” федералдыг төлевилел-биле Тывада 54 ФАП-ты 2019-2020 чылдарда  Интернет четкизинге кошкан. Регионнуң кожууннарында 35 эмнелге пунктулары интертетке бо чылын коштунар.
Төпчүткен системага эмнелге албан черлерин кожары эмчи дузазының “Чиигелделиг эмнер хандырылгазын удуртуру”, “Чаңгыс электроннуг эмчи дептери” дээн ышкаш угланыышкыннарже кирер арганы бээр деп, Кадык камгалал яамызы тайылбырлаан.
Саазында эмчи дептериниң орнунда киирген электроннуг хевирде аарыгның төөгүзүн бижээн болур болгаш, ону поликлиникалар, стационар албан черлери эмчи дузазын көргүзерде ажыглаар.
Эмчи-социал экспертиза бюрозу азы камгаладылга компаниялары, эмчи дузазын көргүскенин контрольдаар органнар, корум-чурум камгалаар органнарже дептерде эмчи бижимелдерин азы медээни чорудуп болур.