Тывада «Эмчилерге четтирдивис» акция эгелээн

22.07.2021 Пандемияның үшкү чалгыының үезинде, коронавирус-биле демиселдиң мурнуку одуруунда дүн-хүн дивейн ажылдап турар эмчи ажылдакчыларын деткиир сорулгалыг “Эмчилерге четтирдивис” деп акция июль 20-де Тывада катап ажылын эгелээн.
«Эмчилерге четтирдивис» акцияга киржир күзелдиглер социал четкилерде бодунуң арыннарынга #спасибоврачам17 хештег-биле эмчилерге өөрүп четттириишкиннерни, чаагай күзээшкиннерни илереткен фоточуруктарны, видеобижимелдерни чыдырар ужурлуг. Оон аңгыда боттарының күзели-биле эмчилерге изиг чемнер чедирилгезин, аъш-чем болгаш өске-даа барааннар, канцеляр херекселдер дузазын организастап болур.
Эмнелге организациялары амыдыралга херек база компьютер техниказынга, ижер сугга онза хереглелдиг.
Республиканың эмчилери “Эмчилерге четтирдивис” акцияга харыы кылдыр, «Спасибо_за_поддержку!» (“Деткимче дээш четтирдивис!”) деп бижээн фоточуруктарны салыр.