60 хардан өрү назылыг чурттакчы чонну ковидке удур тарыыры-биле Тыва РФ-те 3-кү черде

ТР-ниң Кадык камгалал яамызы чыл эгезинден бээр республикага 52 муң доза келгенин, оларның хөй кезии ажыглаттынганын дыңнаткан. Майның 24-ке чедир 4687 доза вакцина арткан, ол тарылга пунктуларының 1,5 неделяда ажылдаарынга чедер. Майның 25-те 3 муң доза «Спутник V» база 1600 доза «ЭпиВакКорона» кээр ужурлуг. 

Республиканың тарыышкын пунктуларынга неделя иштинде ортумаа-биле 3,2 кижи тарыдып турар. Бо хүннүү-биле алырга, вакцинаның бирги кезээн 47255 кижи, азы коллективтиг иммунитет тургузарынга херек кижи санының 37,8 хуузу алган. Россияда ол көргүзүг - 21 хуу.

60 хардан өрү назылыг кижилерни ковидке удур тарыыры-биле Тыва РФ-те баштайгы үш черниң санында, республикада ол көргүзүг 32 хуу (РФ-те – 20 хуу). Тарылга соонда дыка аар эртип турар кижилер чок дээрзин, эмчилер дыңнаткан. Бир база ийи дугаар тарыышкын алган сонда, 21 кижи аараан, азы тарыткан кижилерниң 0,01 %. Аарыгны пневмония чокка, чиик хевирге, эмчиге чытпайн эрттиргени демдеглеттинген. 

Май 24-түң хүнү-биле, ковидтен 115 кижи эмнеткен, оларның 76-зы – стационарга, ооң санында 12 уруглар база 2 иштиг херээжен бар. Берге байдалдыг 10 кижини эмнелгеде чыттырган.