Тываның Баштыңының албан-хүлээлгезин күүседип турар Владислав Ховалыгның Бүгү-делегейниң өг-бүле хүнү-биле байыр чедириишкини

 Өг-бүле - кандыг-даа ниитилелдиң быжыг үндезини, кижи бүрүзүнүң идегелдиг чөлеңгиижи. Бот-билчилге, чоок кижилериниң деткимчези база бот-боттарынга хүндүлежилге биске күштү берип, амыдыралдың бүгү шаптараазыннарын эрттеринге  таарымчалыг байдалды тургузар. 

Чыл санында-ла ажы-төлдүг өг-бүлелерни деткээн хемчеглерниң саны көвүдээн.  «Демография», «Кадык камгалалы», «Өөредилге» национал төлевилелдер российжи өг-бүлелерниң чаагай чоруун быжыглаарынче угланган. Бо чылын РФ-тиң Президентизи Владимир Путин ажы-төлдүг өг-бүлелерге чаа социал төлевирлерни киирген. Уругларның төлептиг кижизидилгезинге бүгү-ле таарымчалыг байдалдарны күрүневис тургузуп турар. 

Тыва быжыг өг-бүле харылзаалары-биле сурагжаан болгаш, хөй ажы-төлдүг болуру кезээде хүндүткелде. Чаагай ол езу-чаңчылдарны моон-даа соңгаар деткиир бис. Өг-бүлени деткиири-биле республика дыка хөй чүүлдерни кылып турар – уруглар садтары болгаш школалар шалыпкын туттунуп, чурттаар оран-сава байдалын экижидип алзын дээш аныяк өг-бүлелерге субсидияларны берип турар, а янзы-бүрү социал төлевилелдер өг-бүлениң эгелээшкиннеринге улуг деткимчелиг. 

 Өг-бүлелерниң бүгү-делегей хүнү-биле сеткилимниң ханызындан байырымны чедирдим. Ынакшылды, чөпшээрежилгени база шынчы чорукту күзедим! 

 Тыва Республиканың Баштыңының албан-хүлээлгезин түр када күүседип турар В.Т. Ховалыг