Республикада мал оолдаашкыны

Көдээ ажыл-агый бүдүрүлгелеринде – 48948 баш, тараачын-арат ажыл-агыйларда – 191947 баш, биче көдээ ажыл-агыйларында – 68835 баш, чоннуң дузалал ажыл-агыйларында 250805 баш төрүүр мал барын Тываның Көдээ ажыл-агый яамызы дыңнаткан. 

Муниципалдыг тургузугларның көдээ ажыл-агый эргелелдериниң медээзи-биле алырга, бо хүнде төрээн 700668 баш малдан 431216 баш анай, хураган алдынган (планның 77%), ооң санында көдээ ажыл-агый бүдүрүлгелери – 24447 баш (пландан 50%), КБК (биче) – 50229 баш (пландан 73%), ТАА – 152596 баш (пландан 79%) база ЧДА – 203944 баш (пландан 81%). Тес-Хем – 32640 баш (планны 109%), Чөөн-Хемчик – 43742 баш (планны 89%), Сүт-Хөл – 52435 баш (планны 86%) малдың чаш төлүн алган. 

Бо үеде инектер база оолдап эгелээн. 32187 баш (планның 52%) бызааны, ооң иштинде көдээ бүдүрүлгелер – 320 баш (планның 15%), КБК (биче) – 1495 баш (планның 41%), ТАА – 5578 баш (планның 49%) база ЧДА – 24794 баш (планның 55%) малдың чаш төлүн алган. Тес-Хем кожуун – 2887 баш (планның 74%), Чөөн-Хемчик – 3936 баш (планның 68%) база Кызыл –3139 баш (планның 58%) бызааларны алган. Кулунчактар саны - 7726 баш (планның 30%).

«Аныяк өг-бүлеге кыштаг» төлевилел киржикчилери элээн чедиишкинниг. Олар планын 75 хуу чедирип, 37602 баш анай, хураган олчалыг болган. Дараазында кожууннар малдың арбын чаш төлүн алган: Сүт-Хөл - 3885 баш (планны - 119%), Мөңгүн-Тайга – 1832 баш (планны - 108%) база Тере-Хөл - 1224 баш (планны 89%). «Кыштагжылардан» тере-хөлчүлер шылгараан – олар 73 баш бызааны (планның 75%), каа-хемчилер – 189 баш (планның 56%) база улуг-хемчилер – 65 баш (планның 48%) малдың чаш төлүн алган. 

«Чаа Сорук» төлевилелдиң киржикчилери 2021 чылда төрүүр 10400 баштан 7800 баш анай, хураганны алыр планныг. Бо хүнде 6369 баш анай, хураганны камгалап алган (планны 82%). Бай-Тайга кожуун - 675 баш, Тес-Хемский – 635 баш, Барыын-Хемчик – 981 баш чаш төлдү алгаш, мурнап турар. «Чаа сорук» төлевилелдиң киржикчилери 119 баш бызаа олчалыг. 

Сүт-Хөл, Барыын-Хемчик, Кызыл база Улуг-Хем кожууннарның көдээ ажыл-агый эргелелиниң удуртукчуларынга бүдүрүкчү кошкарларны база хуналарны чыыр даалга бердингенин республиканың Көдээ ажыл-агый яамызы дыңнаткан. Мал оолдаашкынының кампаниязын өйлеп, чурумчудары-биле Каа-Хем, Таңды, Чеди-Хөл база Бии-Хем кожууннарга 150 баш бүдүрүкчү кошкарларлыг база хуналарлыг аңгы коданнарны тургузар.

Мал оолдаашкынын хыналдага тудары-биле республиканың яамылар специалистери малчын турлагларже, ылаңгыя “Кыштаг” биле “Чаа сорук” губернатор төлевилелдериниң киржикчилериниң аалдарынче үнүүшкүннерни доктаамал кылыр. Деткимче дузаны көргүзер кылдыр бюджет организациялын малчыннарга быжыглаар. Ол ышкаш малдың чаш төлүнге тарыышкынны үе шаанда чорударын чедип алыр.