Тывада «Кадык камгалал» национал төлевилелдиң боттаныышкыны

02.04.2021

2020 чылда национал төлевилел күүселдези-биле 11 муниципалдыг тургузугда 27 фельдшер-акушер пунктуларын туткан.

Республика Чазаа биле Россияның Кадык камгалал яамызының аразында чардынган керээ езугаар тудугларны тудуп, чылдың түңнели-биле тускай сорулгалыг көргүзүглер бүрүнү-биле чедип алдынган. Көрдүнген 152 млн. рубль акша-хөреңгини бүрүнү-биле шиңгээдип, бөгүнде объектилерни ажыглалче киирген.

Чаа акушер пунктуларынче чагылардан чырыкты кожуп, чогуур дериг-херекселдер-биле четчелээн. Чаа оран-савага эмчи ажыл-чорудулгазын чорудар дээш чөпшээрел алырынга документилерни амгы үеде чыып турар.

2021 чылда «Кадык камгалал» национал төлевилел чорудуу-биле 9 ФАП-ты тудар.