Тыва: 2013-2018 чылдарда аварийлиг чуртталга фондузундан хамаатыларны өскээр көжүрер республиканың адрестиг программа боттанылгазының дугайында

 83,5 муң дөрбелчин метр шөлден хамаатыларны өскээр көжүрер планны бөгүнде 73 хуу боттандырып, 61,2 муң м2 шөлдүг оран-саваже 4770 кижини азы 1635 өг-бүлени көжүрген.

Ам-даа 22,3 муң м2 шөлче 1613 кижини/600 өг-бүлени азы 27% көжүрер.

 Айыттынган чуртталга шөлдеринче чурттакчы чонну көжүрер дээш дараазында ажылдарны кылып турар: 

- 7,7 муң м2 азы 534 кижини/197 өг-бүлени хөй аалдыг 9 бажыңче көжүрериниң керээлерин чарып турар (Кызыл хоорайда – 7, Хову-Аксы суурда – 2 бажың); 

- 14,60 муң м2 азы 1079 кижини/403 өг-бүлени көжүрер дээш 14 бажыңны тудуп турар (Кызыл – 8 база Хову-Аксы – 6 бажың). 

2021 чылдың июньда 8,5 муң м2 (237 өг-бүлеге) шөлдүг 8 бажыңны ажыглалга киирер. 

2021 чылдың ноябрьда 1,8 муң м2 (42 өг-бүлеге) шөлдүг 3 бажыңны ажыглалче дужаар.

 2022 чылдың ийиги кварталында - 4,3 муң м2 (124 өг-бүлеге) шөлдүг 3 бажыңны киирер.

2020 чылга чедир эрткен чылдарда программаның чыдып каанының кол чылдагааны – чамдык организацияларның («НСК-Град» КХН, «Вертикаль» КХН) боттарының хүлээлгелерин күүседип шыдаваанында база Хову-Аксы суурда тудуг организацияларының ажылын кошкак организастаанында. 

Тыва Республиканың девискээринде шынчы эвес тудуг организацияларының күүсеттинмээн хүлээлгелериниң долу хемчээлинге керээлерни 2020 чылдың декабрьда чарган, хөй аалдыг бажыңнарны таптыг тударынга 1 дөрбелчин метр шөлдүң турум өртээн чедип алыры-биле бүгү хемчеглерни ап, регион бюджединден немелде акшаландырыышкыннарны тускайлаан. 2013-2018 чылдарның программазын 2022 чылдың 1-ги кварталында доозар.