Тываның Баштыңы чаа чыл дыштаныр хонуктарында суррогат арагалар хавырарынга идепкейлиг болган полицейжилерни шаңнап-мактаар

Чажыт арага садыгжылар-биледемисел - Тываның Баштыңы Шолбан Кара-оол биле Тыва Республиканың Чазааның кол ажыл угланыышкыны бооп артар. Тываның Баштыңының 2017 чылда саналы-биле саткан «Урал» машинада көжүп чоруур постуну республиканың барыын кезээнде (Абакан – Ак-Довурак автоорукта) Акта тургускан. Дружинниктер, чоок-кавы муниципалдыг тургузуглар чагыргалары полицейжилерге дузалажып, көжүп чоруур постунуң ажылын хандырары-биле КЧМ үндүрүп берип турар. 

Эрткен неделяда Шолбан Кара-оол ажылды кошкатпас сорулганы салган. 

«Бензин-биле үзүк-соксаал чок хандырар. Бутлегерлер Тываже контрафакт араганы чүгле ол оруктап эртерин кызыдарлар. Чаа чылда, чажыт арага садыгжылары идепкейжээн үеде, кажылды суларадып болбас – деп, Тываның Баштыңы Шолбан Кара-оол демдеглээн. - Пост бүрүн күжү-биле ажылын уламчылаар. Чүгле кывар-чаар чүүл-биле эвес, а портативтиг генератор-биле хандырганын илеткеди. Ам постуда интернет база бар. Эр-хейлер. Хөй хемчээлдиг суррогат араганы тудуп турар болганда, «Ак» постузу доктаамал болгаш шынарлыг ажылдаарын чедип алыр. Республика бюджединден сатканывыс көжүп чоруур пост 2017 - 2020 чылдарда спирт холумактыг - 25138,58 литр суук чүүлдү хоойлуга удур саарылгадан хавырган”.

Тываның Баштыңы эрткен дыштаныр хонуктарда «Ак» и Шивилиг постуларга хондур-хүнзедир дежурныйлап турган ДПС инспекторларынга база дружинниктерге четтиргенин илереткен. «Бутлерлер-биле демиселде сөс кырында эвес, а херек кырында кады ажылдажылга дээш четтирдим. Контрафакт арга сөөрткен чүък машиналарынга хайыра чок бооп, кады доктаамал ажылдаанының бадыткалы бо-дур».