2020 чылдың апрель 8-те 11.00 шактыы-биле Тыва Республикада коронавирус талазы-биле эпидбайдал

 2020 чылдың апрель 8-тиң медээзи-биле алырга, Тыва Республикада чаа коронавирустан аараан чаңгыс-даа таварылга бүрүткеттинмээн. 

 2020 чылдың январь 27-ден тура, COVID-19 талазы-биле чогумчалыг эвес черлерден келген, грипптээн 45 кижини республиканың халдавырлыг аарыглар эмнелгезинге чыттырган. Лабораторлуг хыналда соонда, харыызы эки болган 27 кижини үндүр бижээн. Бөгүн халдавырлыг аарыглар эмнелгезинде 18 кижи чыдар.

Чаа коронавирус халдавырының эпидемиологтуг берге үези эгелээнден бээр, республиканың эмнелге албан черлериниң халдавырлыг аарыглар салбырынга 73 кижини чыттырган, бо хүннерде республика эмнелгелеринде 32 кижи чыдар. 

Обсервацияда 20 кижи бар. Сөөлгү хонуктарда обсервацияже үш кижини чыттырып, ийи кижини үндүр бижээн. Наркодиспансер баазазында ажыткан обсерваторга 37 кижини аңгылаан турган, 14 хонуктуң карантини төнген соонда, анализиниң харыызы анаа 17 кижини үндүр бижээн, 32 кижини бот-аңгыланыр чурумну сагыыр кылдыр чоруткан.