Тывада инвалидтерге чаа бажың-интернатты тудуп турар

2019 чылда Авыйган суурга ол программа-биле чаа чуртталга оран-саваларын тудуп эгелээн. Республика 2019 чылда ол сорулгага федералдыг бюджеттен 55,8 млн. рубльди алыр. Объектиниң чагыкчызы болур Тываның Күш-ажыл яамызы тудугну кайы хире чоруп турарын илеткээн.

 Яамының дыңнадыы-биле алырга, Бүренниң психоневрологтуг бажың- интернадының таваан кудуп белеткээн, иштики канализацияны тургузуп, аңгылаан. Чыл төнчүзүнге чедир оран-саваның ханаларын бүрүнү-биле дооскаш, иштики инженер четкилерин (чылыдылга, чырык, суг) кожуп, даштында чылыг четкизин база суг дамчыдар черни кылыр. 

Бо төлевилелдиң чүгле тудуг ажылдарындан аңгыда, кырганнарны хандырар беш автотранспортту садып алырынга федералдыг бюджеттен 68,499 млн рубльди тускайлаар. 

Тудуг материалдарын сөөртүп эккеп алырынга көвүрүг арай айыылдыг-даа болза, тудугну 48 хуу чедир кылыпканын специалистер дыңнаткан.