Тываның найысылалы - Кызылдың аэропортунга делегей сектору ажыттынар
27.08.2019
Кызылдың аэропортунга делегей чергелиг эрге-байдалды тыпсыр дугайында доктаалдың төлевилелин Россия Федерациязының Чазаа белеткээн.
Россияның Чазааның даргазының бирги оралакчызы – саң-хөө сайыды Антон Силуанов республиканың социал-экономиктиг дүрген хөгжүлде планын сайгарган ийиги хуралды Тывага эрттирип тура, Тываның Баштыңы Шолбан Кара-оолга ооң дугайында дыңнаткан.
Антон Силуанов Россияның Чазааның Даргазы Дмитрий Медведев бо чоокку үеде төнчү шиитпирни үндүрер деп дыңнатканын Тываның Баштыңы Шолбан Кара-оол айыткан. Ол шиитпирниң үнеринге Антон Силуанов бүзүрелдиг.
«Ол ёзулуг бурунгаар депшилге болур – деп, Шолбан Кара-оол демдеглээн. – Чурттар аразының рейстеринге орукту ажыткан агаар оруктары бистиң республикавыстың алдар-адын база көдүрер».
Возврат к списку
|